Export & Import

နှစ်နိုင်ငံ ကုန်သွယ်မှုမြှင့်တင်ရန် တရုတ်နည်းပညာပံ့ပိုးမည်

နှစ်နိုင်ငံ ကုန်သွယ်မှုမြှင့်တင်ရန် တရုတ်နည်းပညာပံ့ပိုးမည် google

      မြန်မာ-တရုတ် နှစ်နိုင်ငံအကြား ကုန်သွယ်မှုမြှင့်တင်ရန်အတွက် အခြေခံအဆောက်အဦများ ပူးပေါင်းတည်ဆောက်ရန် တရုတ် (ကွမ်တုန်းပြည်နယ်) က နည်းပညာများပံ့ပိုးကာ ပူးပေါင်းဆောင်ရွက်သွားမည်ဖြစ်ကြောင်း ကုန်သည်စက်မှုအသင်းချုပ်ထံမှ သိရပါတယ်။

 


      မြန်မာနှင့် တရုတ် (ကွမ်တုန်းပြည်နယ်) အကြား ကုန်သွယ်မှုနှင့် ရင်းနှီးမြှုပ်နှံမှုများ ဖလှယ်ရန်အတွက် တရုတ်နိုင်ငံ၊Guangdong CCPIT မှ ဒုတိယအုပ်ချုပ်ရေးမှူး Mr.Ouyang Weimin ဦးဆောင်၍ Guangdong CCPIT ဥက္ကဋ္ဌ အပါအဝင် စီးပွားရေးလုပ်ငန်းရှင် ၄၅ ဦးပါဝင်သည့်အဖွဲ့နှင့် “China (Guangdong) Myanmar Trade and Investment Cooperation Conference”ကို ကုန်သည်စက်မှုအသင်းချုပ်နှင့် မြန်မာတရုတ် ကုန်သည်များအသင်းတို့ပူးပေါင်းကာ မတ်လ ၁၂ ရက်နေ့က ရန်ကုန်မြို့ရှိ WYNDHAM ဟိုတယ်တွင် ပြုလုပ်ခဲ့ပါတယ်။

 


      ကုန်သွယ်မှုမြှင့်တင်ရန်အတွက် အခြေခံအဆောက်အဦများ ပူးပေါင်းတည်ဆောက်ရန်၊ လမ်းပန်းဆက်သွယ်ရေးအတွက် တံတားများ၊ ဆိပ်ကမ်းဆောက်လုပ်ရေး၊ စက်မှုကဏ္ဍ၊ အထည်အလိပ်ကဏ္ဍ၊ စိုက်ပျိုးရေးကဏ္ဍတို့၏ အကြီးစားထုတ်လုပ်မှု၊ ပို့ဆောင်ဆက်သွယ်ရေး၊ စားသောက်ကုန်၊ စိုက်ပျိုးရေး၊ ကျန်းမာရေး၊ ပညာရေးနှင့် ခရီးသွားကဏ္ဍတို့တွင်လည်း ကွမ်တုန်းမှနည်းပညာများကို ပံ့ပိုး၍ ပူးပေါင်းဆောင်ရွက်သွားမည်ဖြစ်ကြောင်း ကွမ်တုန်းပြည်နယ် ဒုတိယအုပ်ချုပ်ရေးမှူး Mr.Ouyang Weimin က ပြောကြားချက်အရ သိရပါတယ်။

 


      “မြန်မာနိုင်ငံဟာအရေးကြီးတဲ့ ဖွံ့ဖြိုးတိုးတက်ရေးကဏ္ဍကို ရောက်နေပါပြီ။ ကွမ်တုန်းရဲ့အတွေ့အကြုံတွေကို မြန်မာနိုင်ငံကိုယူဆောင်ပြီး ပူးပေါင်းဆောင်ရွက်မယ်၊ ရင်းနှီးမြှုပ်နှံမယ်ဆိုရင် အကျိုးရှိတဲ့ကဏ္ဍကနေ ပါဝင်ဆောင်ရွက်နိုင်မှာပါ”ဟုမြန်မာနိုင်ငံအခြေစိုက် တရုတ်သံရုံးမှ စီးပွားရေးသံမှူး Mr.Xie Guoxiang က ပြောဆိုခဲ့ပါတယ်။၂၀၁၈ ခုနှစ်အတွင်း မြန်မာ-တရုတ် ကုန်သွယ်မှုမှာ အမေရိကန်ဒေါ်လာ ၁၅ ဒသမ ၂၄ ဘီလီယံရှိပြီး တရုတ်နိုင်ငံ၏တိုက်ရိုက်ရင်းနှီးမြှုပ်နှံမှုမှာ အမေရိကန်ဒေါ်လာ ၂၀ ဒသမ ၃၅ ဘီလီယံရှိကြောင်း ကုန်သွယ်ရေးဆိုင်ရာ ကိန်းဂဏန်းများအရ သိရပါတယ်။

 

Source : The Voice 

 

Myanmar Logistics Guide

Read 164 times
Rate this item
(1 Vote)