MSC ကွန်တိန်နာ သင်္ဘောလိုင်း သင်္ဘောသစ် မှာယူမှု စံချိန်တင်များပြား
TO GET INSTANT UPDATE
Join Telegram Channel
တရုတ်နိုင်ငံ Yangzijiang Shipbuilding သင်္ဘောကျင်းမှာ Mediterranean Shipping Co (MSC) မှ LNG လောင်စာသုံး 16,000 teu သင်္ဘော တစ်ဒါဇင်ကို မကြာသေးမီက မှာယူခဲ့သည်။
MSC သည် ယခုအခါ ကမ္ဘာ့အကြီးဆုံး ကွန်တိန်နာသင်္ဘောလိုင်း ဖြစ်သည်။ လက်ရှိတွင် teu ၂ သန်းဝန်းကျင်ဖြင့် ပြေးဆွဲနေသည်။
သင်္ဘောကျင်းများတွင် စုစုပေါင်း teu ၁.၉၆ သန်း ရှိသည့် ကွန်တိန်နာသင်္ဘောများ မှာကြားထားသည်။ အချိုးချကြည့်လျှင် လက်ရှိ teu စုစုပေါင်း၏ ၄၃% နှင့် ညီမျှသော TEU ပမာဏကို ကွန်တိန်နာသင်္ဘော အသစ်များ မှာကြားထားသည်ဟု Linerlytica မှ အချက်အလက် ထုတ်ပြန်ခဲ့သည်။
MSC အသစ်မှာကြားထားသော TEU စုစုပေါင်းသည် ဂျာမန်မှ အကြီးဆုံး ကွန်တိန်နာသင်္ဘောလိုင်း Hapag-Lloyd ပြေးဆွဲနေသည့် TEU စုစုပေါင်းထက် ပိုများသည်။ Hapag-Lloyd သည့် ကမ္ဘာ့ပဉ္စမအကြီးဆုံး ကွန်တိန်နာသင်္ဘောလိုင်း ဖြစ်သည်။
ကွန်တိန်နာသင်္ဘောလိုင်း အသီးသီးတို့၏ ကွန်တိန်နာသင်္ဘောအသစ်များ မှာကြားထားသည့် TEU စုစုပေါင်းများအရ ကြည့်လျှင် MSC မှာကြားထားသည့် TEU စုစုပေါင်းသည် ကမ္ဘာ့ ဒုတိယအကြီးဆုံး ကွန်တိန်နာသင်္ဘောလိုင်း Maersk ၊ ကမ္ဘာ့တတိယအကြီးဆုံး ကွန်တိန်နာသင်္ဘောလိုင်း CMA CGM ၊ ကမ္ဘာ့ စတုတ္ထအကြီးဆုံး ကွန်တိန်နာသင်္ဘောလိုင်း COSCO တို့ မှာကြားထားသည့် TEU စုစုပေါင်းထက် ပိုများသည်။
မှာကြားထားသော ကွန်တိန်နာသင်္ဘော အသစ်များကို ၂၀၂၃ နှင့် ၂၀၂၄ တို့တွင် စတင်ရရှိမည်။
MSC သည် ပြီးခဲ့သည့် ၂၆ လတာအတွင်း တစ်ပတ်ရစ် ကွန်တိန်နာသင်္ဘော စီးရေ ၂၄၀ ခန့် ဝယ်ယူခဲ့သည်ဟု Alphaliner က အချက်အလက် ထုတ်ပြန်ခဲ့သည်။
၁၉၇၀ ဝန်းကျင်တွင် MSC သည် စင်းလုံးငှား။ချာတာအငှား သင်္ဘောများဖြင့် ပြေးဆွဲခဲ့ပြီး ၂၀၂၀ ပြည့်နှစ်ဝန်းကျင်မှစ၍ ကုမ္ပဏီပိုင် သင်္ဘောစီးရေနှင့် TEU ကို တိုးမြှင့်လာခဲ့ရာ ယခုအခါ စုစုပေါင်း TEU ၏ ၆၉% သည် ကုမ္ပဏီပိုင် သင်္ဘောများ ဖြစ်နေပြီ ဖြစ်သည်။
Source splash247
