Export & Import

Thursday, 08 September 2022 08:27

ရေနံစိမ်းစည်ပေါင်းသန်း ၁၀၀ ကျော် တင်ပို့နိုင်ခဲ့သည့် အီရတ်နိုင်ငံ

အိရတ်နိုင်ငံသည် သြဂုတ်လအတွင်း ရေနံစိမ်းစည်ပေါင်း ၁၀၁ ဒသမ ၈၅ သန်း တင်ပို့နိုင်ခဲ့ပြီး ဝင်ငွေ အမေရိကန်ဒေါ်လာ ၉ ဒသမ ၇၈ဘီလီယံ ရရှိခဲ့ကြောင်း အီရတ်နိုင်ငံရေနံဝန်ကြီးဌာနက စက်တင်ဘာ၁ရက်တွင် ပြောကြားသည်။ သြဂုတ်လအတွင်း ရေနံစိမ်း၏ ပျမ်းမျှစျေးနှုန်းမှာ တစ်စည်လျှင် ၉၆ ဒသမ ၀၅ ဒေါ်လာရှိကြောင်း ရေနံစျေးကွက်ရှာဖွေရေးအဖွဲ့၏ စာရင်းအချက်အလက်ချားကို ကိုးကား၍ ၀န်ကြီးဌာန၏ ထုတ်ပြန်ချက်တွင် ဖော်ပြထားသည်။ ရေနံစည်စုစုပေါင်း ၁၀၀ ဒသမ ၇၅ သန်းကို ဘာဆရာမြို့ဆိပ်ကမ်းမှတစ်ဆင့် အီရတ်နိုင်ငံအလယ်ပိုင်းနှင့်တောင်ပိုင်း ရေနံများကိုတင်ပို့နိုင်ခဲ့ပြီး မြေထဲပင်လယ်ရှိ တူကီယဲဆိပ်ကမ်း စိုင်ဟန်မြို့မှတစ်ဆင့် ကာကွခ်ပြည်နယ်မြောက်ပိုင်းမှ ရေနံစည် ၁ ဒသမ ၁၀သန်းကို တင်ပို့နိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။ ဖေဖော်ဝါရီလအတွင်းမှစကာ ကမ္ဘာ့စျေးကွက်တွင် ရေနံစျေးနှုန်းများ မြင့်တက်လာခဲ့သည်။ အီရတ်နိုင်ငံ၏ စီးပွားရေးသည် ရေနံစိမ်းတင်ပို့မှုပေါ်တွင် အဓိကမှီခိုနေရပြီး နိုင်ငံ့ဝင်ငွေ၏ ၉၀ ရာခိုင်နှုန်း ကျော်ရှိကြောင်းသိရသည်။ Source: Xinhua

Monday, 22 August 2022 09:11

ပို့ကုန်ဝင်ငွေ ပြန်လည်မြင့်တက်လာသော ဂျာမနီနိုင်ငံ

ဂျာမနီနိုင်ငံ တွင်စီးပွားရေးကျဆင်းမှုဖြစ်ပေါ်နေသော်လည်း ၂၀၂၂ခုနစ် ဇွန်လတွင် ပို့ကုန်ဝင်ငွေ ပြန်လည်မြင့်တက်လာပြီး ကုန်သွယ်မှုပိုငွေရရှိခဲ့ကြောင်း Federal Statistical Office ၏ သြဂုတ်လ ပထမအပတ်ကထုတ်ပြန်သည့်စာရင်းအရ သိရသည်။ ၂၀၂၂ ခုနှစ် ဇွန်လတွင် ပို့ကုန်တန်ဖိုး ယူရို ၁၃၄ ဒသမ ၃ ဘီလီယံ နှင့် သွင်းကုန်တန်ဖိုး ယူရို ၁၂၇ ဒသမ ၉ ဘီလီယံရှိခဲ့ပြီး ကုန်သွယ်မှုပိုငွေ ယူရို ၆ ဒသမ ၄ ဘီလီယံရရှိခဲသည်။ ပို့ကုန်တန်ဖိုးသည် မေလနှင့် နှိုင်းယှဉ်လျှင် ၄ ဒသမ ၅ ရာခိုင်နှုန်း ပိုမိုတိုးတက်ခဲ့ပြီး အီးယူနိုင်ငံများသို့ ၃ ဒသမ ၉ ရာခိုင်နှုန်း နှင့် အခြားနိုင်ငံများသို့ ၅ ဒသမ ၃ ရာခိုင်နှုန်း ပိုမိုတင်ပို့နိုင်ခဲ့ကြောင်း တွေ့ရသည်။ ပို့ကုန်တိုးတက်မှုရှိခဲ့သောလည်း စီးပွားရေးလုပ်ငန်းများက ဂျာမနီနိုင်ငံ၏ Expot-Driven Economy စီးပွားရေးအလားအလာအပေါ်လက်ရှိလောင်စာစွမ်းအင်ဈေးနှုန်းမြင့်တက်မှု၊ Supply Chain မတည်ညိမ်မှု နှင့် ငွေကြေးဖောင်းပွမှုအခြေအနေများကြောင့် ကျဆင်းလာနိုင်မည့် အနေအထားကိုသာ ရှုမြင်သုံးသပါနေကြသည်။ ဇွန်လအတွင်း စီးပွားရေးလုပ်ငန်းများ၏ ထုတ်လုပ်မှုမှာ မေလက ထက် ဝ ဒဿမ ရာခိုင်နှုန်း တိုးတက်ထုတ်လုပ်မှုရှိခဲ့သော်လည်း ထုတ်လုပ်မှုကဏ္ဍရှိ အမှာစာအသစ်များ လက်ခံရရှိမှုမှာ မေလနှင့်နှိုင်းယှဉ်လျှင် ၀ ဒသမ ၄ ရာခိုင်နှုန်းကျဆင်းခဲ့ကြောင်း၊ လက်လီလုပ်ငန်း များ အရောင်းဝင်ငွေသည် လည်းမေလနှင့် နှိုင်းယှဉ်လျှင် ၁ ဒသမ ၆ ရာခိုင်နှုန်းကျဆင်းခဲ့ကြောင်း၊ အသားထုတ်လုပ်သည့်လုပ်ငန်းများမှ ၂၀၂၂ ခုနှစ် ပထမနှစ်ဝက်တွင် တန်ချိန် ၃ ဒသမ ၅ သန်းအောက်သာထုတ်လုပ်ခဲ့ပြီး ကာလတူထက် ၇ ဒသမ ၉ ရာခိုင်နှုန်းလျော့နည်းဆောင်ရွက်ခဲ့ကြောင်း တွေ့ရသည်။ နိုင်ငံတွင်း ခရီးတိုသွားလာမှုများမှာ ပထမ သုံးလကထက် ၄၆ ရာခိုင်နှုန်းတိုးတက်ခဲ့ပြီး 9 Euro Ticket ကို အသုံးပြုမှုများခြင်းကြောင့်လည်း ဖြစ်နိုင်ကြောင်း၊ ဘီယာရောင်းချရမှုမှာမူ ၂၀၂၂ ခုနှစ် ပထမနှစ်၀က်အတွင်း လီတာပေါင်း ၄ ဒသမ ၃ ဘီလီယံရှိခဲ့ပြီး ယခင်နှစ်ကာလတူထက် ၃ ဒသမ ၈ ရာခိုင်နှုန်းတိုးတက်မှုရှိကြောင်းသိရသည်။ လာမည့်ဆောင်းရာသီအတွက်ဓာတ်ငွေ့လုံလောက်စွာရရှိရေးမှာ စိန်ခေါ်မှုတစ်ရပ်အနေဖြင့် ရှိနေဆဲဖြစ်သည်။ ၂၀၂၂ ခုနှစ် ပထမသုံးလအတွင်း စီးပွားရေးတိုးတက်မှု ၀ ဒသမ၂ ရာခိုင်နှုန်းမျှော်မှန်းထားမှုအတွက် ပြန်လည်တွက်ချက်မှုများအရ ဝ ဒသမ ၈ ရာခိုင်နှုန်း ရရှိခဲ့သည်။ ဧပြီလမှ ဇွန်လအတွင်း စီးပွားရေးအခြေအနေမှာ ရပ်တန့်နေပြီး (stagnation) ဒုတိယ သုံးလအတွက်စီးပွားရေးတိုးတက်မှုနှုန်းကို သုညရာခိုင်နှုန်းအဖြစ် သတ်မှတ်ဖော်ပြထားသည်။ ဇူလိုင်လအတွက် ငွေကြေးဖောင်းပွမှုမှာ ၇ ဒသမ ၅ရာခိုင်နှုန်းနှင့် အလုပ်လက်မဲ့မှုမှာ ၅ ဒသမ ၄ ရာခိုင်နှုန်းတွင် ရှိနေကြောင်း သိရသည်။ Source: Myanma Alinn

Thursday, 18 August 2022 05:36

ကုန်သွယ်ရေးလိုငွေပြမှု အမေရိကန်ဒေါ်လာ ၁၁၄ သန်းရှိလာပြီဖြစ်တဲ့ လာအိုနိုင်ငံ၏ ဇူလိုင်လအခြေအနေ

လာအိုနိုင်ငံသည် ဇူလိုင်လတွင် ကုန်သွယ်ရေးလိုငွေပြမှု အမေရိကန် ဒေါ်လာ၁၁၄သန်းရှိကြောင်း လာအိုကုန်သွယ်ရေးပေါ်တယ်၀က်ဘ်ဆိုက်မှ ဩဂုတ်လ ၁၂ ရက်နေ့တွင်ဖော်ပြထားသောအချက်အလက်အရ သိရသည်။

Friday, 05 August 2022 16:10

နိုင်ငံခြားသုံးငွေ အမျိုးမျိုးတို့အတွက် ရည်ညွှန်းငွေလဲလှယ်နှုန်းများ ဗဟိုဘဏ် တိုးမြှင့်သတ်မှတ်

နိုင်ငံခြားသုံးငွေ အမျိုးမျိုးတို့အတွက် ရည်ညွှန်းငွေလဲလှယ်နှုန်းများ ဗဟိုဘဏ် တိုးမြှင့်သတ်မှတ်

Monday, 01 August 2022 04:13

မြန်မာ့ဆန်စပါးအသင်းချုပ်မှထုတ်ပြန်သည့် ပြည်ပပို့ကုန် ဆန်/ ဆန်ကွဲ စျေးနှုန်းများ (FOB-YGN)

(၂၇-၇-၂၀၂၂) မှ (၂-၈-၂၀၂၂) ရက်နေ့အထိ မြန်မာ့ဆန်စပါးအသင်းချုပ်မှထုတ်ပြန်သည့် ပြည်ပပို့ကုန် ဆန်/ ဆန်ကွဲ စျေးနှုန်းများ (FOB-YGN) Source :မြန်မာ့ဆန်စပါးအသင်းချုပ်

Tuesday, 26 July 2022 04:43

ယူကရိန်းပင်လယ်နက်ဆိပ်ကမ်းမှ သီးနှံတင်ပို့မှု ရက်ပိုင်းအတွင်း ပြန်စနိုင်

ရုရှားတပ်တွေ ပိတ်ဆို့ဟန့်တားထားတဲ့ ပင်လယ်နက်ဆိပ်ကမ်းတွေကနေ ယူကရိန်းနိုင်ငံထွက် ကောက်ပဲသီးနှံတွေတင်ပို့ရေး သဘောတူညီမှုရပြီး နာရီပိုင်းအကြာမှာပဲ Odesa ဆိပ်ကမ်းမြို့ကိုရုရှားတို့က မစ်ဇိုင်းဒုံးနဲ့ ပစ်ခတ်တိုက်ခိုက်ခဲ့တဲ့အပေါ် ကုလသမဂ္ဂက ပြစ်တင်ရှုတ်ချထားပေမယ့် ကုန်တင်ပို့မှု လုပ်ငန်းတွေလာမဲ့ ရက်ပိုင်းအတွင်း ပြန်စမယ်လို့ ကုလသမဂ္ဂက တနင်္လာနေ့မှာ ပြောပါတယ်။ " မကြာခင်ရက်ပိုင်းထဲမှာပဲ ပထမဆုံး ကုန်တင်သင်္ဘောထွက်နိုင်မယ်လို့ မေ ျှာ်လင့်ရပါတယ်။ လုပ်ငန်းပူးပေါင်းဆောင်ရွက်ရေး စင်တာက သင်္ဘောလုပ်ငန်းအဖွဲ့နဲ့ ဆက်သွယ်ပြီး သင်္ဘောထွက်မယ့် အစီအစဉ်အသေးစိတ်ကို ထုတ်ပြန်ပါလိမ့်မယ်" လို့ လက်ထောက်ပြောခွင့်ရသူ Farhan Haq က တနင်္လာနေ့ သတင်းစာရှင်းလင်းပွဲမှာ ပြောဆိုသွားတာပါ။ ပင်လယ်နက်ထဲက ဆိပ်ကမ်းတွေဖြစ်တဲ့ Odesa ၊ Chernomorsk နဲ့ Yuzhny ကနေ ကောက်ပဲသီးနှံတွေကို တင်ပို့မယ်လို့ ကုလသမဂ္ဂအတွင်းရေးမှူးချုပ်ရုံးပြောခွင့်ရ Farah Haq ကပြောပါတယ်။ ကုန်တင်သင်္ဘောတွေ ဘေကင်းစွာသွားလာနိုင်မယ့် အခြေအနေမျိုးဖြစ်စေချင်ပါတယ်လို့လည်း ပြောခွင့်ရသူက ပြောဆိုပါတယ်။ Odesa မြို့ကို ရုရှားတို့ ပဲ့ထိန်းတပ်မစ်ဇိုင်းဒုံးတွေနဲ့ စနေနေ့က ပစ်ခတ်တိုက်ခိုက်ခဲ့တာကို အတွင်းရေးမှူးချုပ် Antonio Guterres ကပြစ်တင်ရှုတ်ချကြောင်းကိုလည်း မစ္စတာ Farhan Haq ကထပ်လောင်းပြောဆိုသွားတာပါ။ ဒါပေမယ့်လည်း ရုရှားနိုင်ငံခြားရေးဝန်ကြီး Sergey Lavrov က ကောက်ပဲသီးနှံတွေပြန်လည်တင်ပို့ရေး တူရကီနိုင်ငံမှာ ရခဲ့တဲ့ သဘောတူညီမှုထဲမှာ စစ်ဖက်အဆောက်အဦတွေနဲ့ အခြား စစ်ဖက်ဆိုင်ရာ ပစ်မှတ်တွေကို တိုက်ခိုက်ဖျက်ဆီးမယ့် ရုရှားရဲ့ အထူးစစ်ဆင်ရေးလုပ်ငန်းတွေကို တားမြစ်ထားတဲ့အချက်တွေ မပါဘူးလို့ ခုခံပြောဆိုပါတယ်။ Odesa မြို့က စစ်ဖက်အဆောက်အဦကို ရုရှားက မစ်ဇိုင်းဒုံးနဲ့ တိုက်ခိုက်ခဲ့ပေမယ့်လည်း ကောက်ပဲသီးနှံ တင်ပို့ရေးလုပ်ငန်းတွေအပေါ် သက်ရောက်မှုမရှိသင့်ဘူးလို့ ရုရှားတာဝန်ရှိသူတွေက တနင်္လာနေ့မှာ ပြောပါတယ်။ စနေနေ့က ဒုံးနဲ့ တိုက်ခိုက်မှုမှာ ပါဝင်ပတ်သက်ခြင်းမရှိဘူးလို့ ရုရှားဖက်က ကနဦးငြင်းဆိုခဲ့ပေမယ့် တနင်္ဂနွေနေ့မှာတော့ သူတို့လက်ချက်ဖြစ်ကြောင်း ဝန်ခံပြောဆိုခဲ့တာဖြစ်ပါတယ်။ ယူကရိန်းတာဝန်ရှိသူတွေကလည်း ပြီးခဲ့တဲ့သောကြာနေ့ကရခဲ့တဲ့ သဘောတူညီမှုအတိုင်း ကောက်ပဲသီးနှံတင်ပို့ရေး ဆက်ပြီးဆောင်ရွက်သွားမယ်လို့ ပြောပါတယ်။ Myanmar Logistics Guide Source: VOA

Saturday, 23 July 2022 06:05

တစ်စီးဝင်တစ်စီးထွက်နှင့် ဒေါ်လာ မူဝါဒတို့ကြောင့် ကျင်စမ်းကျော့ဂိတ် ဖွင့်လှစ်ထားသော်လည်း ရပ်နားနေ

တစ်စီးဝင်တစ်စီးထွက်နှင့် ဒေါ်လာ မူဝါဒတို့ကြောင့် ကျင်စမ်းကျော့ဂိတ် ဖွင့်လှစ်ထားသော်လည်း ရပ်နားနေ

Friday, 22 July 2022 05:40

မြန်မာငွေဈေးကျကာ ထိုင်းငွေကြေး အဆမတန်မြင့်နေပြီး သက်ရောက်မှုရှိလာတဲ့ ပြည်တွင်းက ထိုင်းထုတ်ကုန်များ

နိုင်ငံခြားသား ပိုင်ဆိုင်မှု ၃၅ရာခိုင်နှုန်းပါဝင်တဲ့ မြန်မာကုမ္ပဏီများရဲ့ နိုင်ငံခြားငွေများအား ဗဟိုဘဏ် သတ်မှတ်ဈေးနဲ့ မြန်မာငွေကျပ် လဲလှယ်ဖို့ ဇူလိုင်၁၅ရက်က ထုတ်ပြန်ခဲ့ပါတယ်။

Wednesday, 20 July 2022 05:24

တရုတ်-မြန်မာ နယ်စပ် မူဆယ်ဂိတ်ပေါက် နယ်စပ် ကုန်သွယ်ရေး ဆိပ်ကမ်းသည် ပုံမှန်လည်ပတ်နေ

မြန်မာ-တရုတ် နယ်စပ်ကုန်သွယ်ရေး ဆိပ်ကမ်းများအနက် လက်ရှိအချိန်တွင် မူဆယ်ကျင်းဆန်းကျော့လမ်းကြောင်း တစ်ခုတည်းသာ ဖွင့်လှစ်ထားပြီး တရုတ်-မြန်မာ နှစ်နိုင်ငံကြားတွင် နေ့စဉ် ကုန်တင်ယာဉ် အစီးရေ ၄၀ မှ ၅၀ ခန့် ဖြတ်သန်း သွားလာနေကြောင်း မူဆယ်နယ်စပ် ကုန်သွယ်ရေးဆိပ်ကမ်းမှ သိရသည်။