Export & Import

နိုင်ငံခြားငွေ အွန်လိုင်း ငွေလဲဈေးနှုန်းများ

နိုင်ငံခြားငွေ အွန်လိုင်း ငွေလဲဈေးနှုန်းများ

မွန်ပြည်နယ်မှ ထွက်ရှိသည့် အဆင့်မြင့် ဆားကြမ်းများကို တောင်ကိုရီးယားနိုင်ငံ ဈေးကွက်ထံ တင်ပို့ ရောင်းချသွားမည် ဖြစ်ကြောင်း မွန်ပြည်နယ် ဆားလုပ်ငန်းရှင်များအသင်းမှ သိရသည်။ တောင်ကိုရီးယားနိုင်ငံ၏ ဆားလိုအပ်ချက်အရ ဆားကြမ်းများ တင်ပို့နိုင်ရေးအတွက် ပြီးခဲ့သည့် စက်တင်ဘာလ နောက်ဆုံးပတ်တွင် နှစ်နိုင်ငံအကြား နားလည်မှုစာချွန်လွှာ (MoU) လက်မှတ်ရေးထိုးခဲ့ပြီး ဖြစ်သည်။ တောင်ကိုရီးယားနိုင်ငံသည် နှစ်စဉ် ဆားတန်ချိန် (၃) သန်းခန့် ထွက်ရှိသော်လည်း ဆားလိုအပ်ချက်အရ ပြည်ပနိုင်ငံများမှ နှစ်စဉ် ဆားတန်ချိန် (၇) သန်းခန့် တင်သွင်းနေရသည်ဟု ဆိုသည်။ Advertisement Click Here >Hong Kong Enterprise ထို့ကြောင့် ပြည်နယ်အတွင်း ထွက်ရှိသည့် အဆင့်မြင့် ဆားကြမ်းများကို ယခုနှစ် မကုန်မီ တင်ပို့သွားနိုင်ရေးအတွက် လုပ်ဆောင်နေကြောင်း အသင်းတာဝန်ရှိသူ၏ ပြောကြားချက်အရ သိရသည်။ မွန်ပြည်နယ်မှ ထွက်ရှိသည့် ဆားများကို တောင်ကိုရီးယားနိုင်ငံသို့ တင်ပို့နိုင်ပါက ဆားတောင်သူများအတွက် ခိုင်မာသည့် ဈေးကွက်တစ်ခု ရရှိနိုင်မည် ဖြစ်သည်။ တောင်ကိုရီးယားနိုင်ငံအပြင် ဂျပန်နိုင်ငံကိုလည်း ဆားကြမ်း တန် (၂၀) ပါသည့် ကွန်တိန်နာတစ်ပုံး တင်ပို့ထားပြီး ဖြစ်ကာ ဆားကြမ်း ထပ်မံတင်သွင်းရန် ရှိကြောင်း သံဖြူဇရပ် ပငရှိ ဆားကြမ်းထုတ်လုပ်သူ လုပ်ငန်းရှင်တစ်ဦးက ပြောသည်။ လက်ရှိတွင် မွန်ပြည်နယ်မှ ထွက်ရှိသည့် ဆားများကို ပြည်တွင်းရှိ တိုင်းဒေသကြီးနှင့် ပြည်နယ်အသီးသီးသို့ တင်ပို့ ရောင်းချလျက် ရှိကြောင်း မွန်ပြည်နယ် ဆားလုပ်ငန်းရှင်များအသင်းမှ သိရသည်။ Souce : DVB, Popular News

နိုင်ငံခြားငွေ အွန်လိုင်း ငွေလဲဈေးနှုန်းများ