Monday, 19 June 2023 10:48
ဧပြီလ (၁) ရက်မှ ဇွန်လ (၉) ရက်အထိ ၂၀၂၃- ၂၀၂၄ ဘဏ္ဍာနှစ် ပထမနှစ်လအတွင်း ပြည်ပသို့ ပဲမျိုးစုံ တန်ချိန် စုစုပေါင်း (၃၄၄,၉၂၂) ကျော် တင်ပို့ခဲ့ပြီး ပို့ကုန်ဝင်ငွေ စုစုပေါင်း အမေရိကန်ဒေါ်လာ သန်း (၂၆၈) ကျော် ရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဌာနမှ သိရသည်။
မြန်မာနိုင်ငံမှ ပြည်ပနိုင်ငံများသို့ မတ်ပဲ၊ ပဲတီစိမ်းနှင့် ပဲစင်းငုံတို့ကို အဓိကထား တင်ပို့လျက် ရှိပြီး မတ်ပဲနှင့် ပဲစင်းငုံကို အိန္ဒိယသို့ အဓိက တင်ပို့ကာ ပဲတီစိမ်းကို တရုတ်နှင့် ဥရောပသို့ အများဆုံး တင်ပို့သည်။
ပင်လယ်ရေကြောင်းမှ (၃၁၁,၉၃၇.၄၅၅) တန်၊ တန်ဖိုး အမေရိကန်ဒေါ်လာ (၂၃၇.၄၅၀) သန်း
နယ်စပ်မှ (၃၃၀,၅၄.၆၉၂) တန်၊ တန်ဖိုး အမေရိကန် ဒေါ်လာ (၃၀.၉၉၂) သန်း
စုစုပေါင်း (၃၄၄၉၉၂.၁၄၇) တန်နှင့် ပို့ကုန်တန်ဖိုး အမေရိကန်ဒေါ်လာ (၂၆၈.၄၄၂) သန်း တင်ပို့နိုင်ခဲ့ခြင်း ဖြစ်သည်။
လက်ရှိ ပဲမျိုးစုံ ဈေးနှုန်းများမှာ ကုလားပဲနက် တစ်တန်လျှင် ကျပ် ၂.၄၂၅ သန်းနှင့် ပဲစင်းငုံ တစ်တန်လျှင် ကျပ် ၃.၂၃၅ သန်း ဖြစ်ပြီး ဇွန်လ (၁၄) ရက်တွင် ပဲစင်းငုံဈေးသည် တစ်တန်လျှင် ကျပ် ၃.၃၃ သန်းအထိ စံချိန်တင် မြင့်တက်ခဲ့ကာ မတ်ပဲသည် တစ်ရက်တည်းတွင် တစ်တင်းလျှင် ကျပ် ၂.၄၆၁ သန်းဖြင့် အမြင့်ဆုံးဖြစ်ခဲ့သည်။
၂၀၂၃-၂၀၂၄ ဘဏ္ဍာနှစ် ဧပြီလ (၁) ရက်မှ ဇွန်လ (၉) ရက်အထိ ပဲအမျိုးအစားအလိုက် တင်ပို့မှု အခြေအနေကို အောက်ပါလင့်ခ်တွင် အသေးစိတ် လေ့လာ ကြည့်ရှုနိုင်သည်။
> https://www.commerce.gov.mm/my/content/import-export-legumes
Advertisement
Click Here > Min Han Terrazzo
အဓိကအားဖြင့် မတ်ပဲ၊ ပဲတီစိမ်းနှင့် ပဲစဉ်းငုံ တင်ပို့မှု အများဆုံးဖြစ်ကာ မတ်ပဲသည် ပင်လယ်ရေကြောင်းမှ (၁၁၃,၆၃၁.၀၃၅) တန်နှင့် ဒေါ်လာ (၉၃.၈၀၅) သန်း၊ နယ်စပ်မှ (၈၈၉.၀၀၀) တန်နှင့် ဒေါ်လာ (၀.၉၅၃) သန်း၊ စုစုပေါင်း တန်ချိန် (၁၁၄,၅၂၀.၀၃၅) နှင့် စုစုပေါင်းတန်ဖိုး ဒေါ်လာ (၉၄.၇၅၈) သန်း ရရှိထားသည်။
ပဲတီစိမ်းသည် ပင်လယ်ရေကြောင်းမှ (၁၁၃,၀၂၇.၄၆၁) တန်နှင့် ဒေါ်လာ (၇၄.၄၄၁) သန်း၊ နယ်စပ်မှ (၁၅,၅၈၇.၅၀၇) တန်နှင့် ဒေါ်လာ (၉.၆၆၂) သန်း၊ စုစုပေါင်း တန်ချိန် (၁၂၈,၆၁၄.၉၆၈) နှင့် စုစုပေါင်း ပို့ကုန်တန်ဖိုး ဒေါ်လာ (၈၄.၁၀၃) သန်း တင်ပို့ ရရှိထားသည်။
ပဲစဉ်းငုံသည် ပင်လယ်ရေကြောင်းမှ (၄၂,၂၂၉.၀၃၀) တန်နှင့် ဒေါ်လာ (၃၄.၉၉၆) သန်း ရရှိထားပြီး နှစ်လကျော် ကာလအတွင်း နယ်စပ်ကုန်သွယ်ရေးမှ တင်ပို့ ရရှိခြင်း မရှိပေ။
မြန်မာနိုင်ငံမှ ပြည်ပသို့ ပဲမျိုးစုံ တင်ပို့မှုအနေဖြင့် ၂၀၂၂-၂၀၂၃ ဘဏ္ဍာနှစ် ကာလအတွင်း ( ၂၀၂၂ ခုနှစ်၊ ဧပြီလ (၁) ရက်နေ့မှ ၂၀၂၃ ခုနှစ်၊ မတ်လ (၃၁) ရက်နေ့အထိ )...
ပင်လယ်ရေကြောင်းမှ (၁,၄၂၈,၈၆၉.၂၀၅) တန်နှင့် တန်ဖိုး အမေရိကန်ဒေါ်လာ (၁,၁၀၉.၁၁၁) သန်း
နယ်စပ်မှ (၂၃၃,၄၈၃.၉၇၆) တန်နှင့် တန်ဖိုး အမေရိကန် ဒေါ်လာ (၁၆၈.၉၈၉) သန်း
စုစုပေါင်း တန်ချိန် (၁,၆၆၂,၃၅၃.၁၈၁) တန်နှင့် စုစုပေါင်း ပို့ကုန်တန်ဖိုး အမေရိကန်ဒေါ်လာ (၁,၂၇၈.၁၀၀) သန်း တင်ပို့နိုင်ခဲ့ကြောင်း သိရသည်။
Source : MOC