Export & Import

ယာယီရပ်ဆိုင်းခဲ့ရတဲ့ သကြားနှင့်ဒီဇယ် တင်သွင်းမှုလိုင်စင်များ

         အမေရိကန်ဒေါ်လာ တန်ဖိုးမြင့်တက်နေမှုကို တစ်ဖက်တစ်လမ်းကဖြေရှင်းရန် သကြား နှင့် ဒီဇယ်တို့ကိုသွင်းကုန် ပြန်လည်တင်ပို

့ခြင်း(re-export) လိုင်စင်ဖြင့်တင်သွင်းနေမှုကို ယာယီရပ်ဆိုင်းလိုက်ပြီးနောက် ကောင်းကျိုးများရှိလာသည်ဟု စီးပွားရေး နှင့် ကူးသန်းရောင်းဝယ်ရေးဝန်ကြီးဌာနက တာဝန်ရှိသူက ပြောပြချက်အရသိခဲ့ရပါတယ်။

 

          ''သကြားနဲ့ ဒီဇယ်က ငွေအဝင်အထွက်များတယ်။ ဒီလိုငွေအဝင် အထွက်များနေတာကြောင့်လည်း ဒေါ်လာဈေးတက်လာတာ ဖြစ်နိုင်တယ်ဆိုတဲ့ စဉ်းစားချက်တစ်ခုနဲ့ ယာယီရပ်ဆိုင်းလိုက်တာဖြစ်ပါတယ်''ဟု စီးပွားရေး နှင့် ကူးသန်း ရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းမှ ပြောခဲ့ပါတယ်။

 

          Re-export စနစ်သည် ကောင်းကျိုးများရှိသော်လည်း ကန်ဒေါ်လာ စီးထွက်မှုများနေခြင်းကို ထိန်းချုပ်လိုခြင်းကြောင့် အဓိက ပိတ်လိုက်ခြင်းဖြစ်သည်ဟု ဗဟိုဘဏ်ဒုတိယဥက္ကဌ ဦးဘိုဘိုငယ်က ဆိုခဲ့တယ်။ ထိုသို့ ရပ်ဆိုင်းလိုက်သည့်အတွက် ပြည်တွင်း၌ အမေရိကန်ဒေါ်လာတန်ဖိုး အနည်းငယ်ကျဆင်းလာခဲ့ပြီး ကျပ်ငွေတန်ဖိုးအနည်းငယ်ပြန်လည်မြင့်တက်လာခဲ့ပါတယ်။

 

          ကန်တစ်ဒေါ်လာတန်ဖိုးသည် သြဂုတ် ၁၇ ရက်တွင် တစ်ဒေါ်လာလျှင် မြန်မာငွေပေါက်ဈေးကျပ် ၁,၅၇ဝ ကျော်ရှိခဲ့ရာမှ ၂၁ ရက်တွင် ကျပ် ၁,၅ဝဝ ဝန်းကျင်အထိ ကျဆင်းလာခဲ့ပြီး''အဓိကက ဈေးကွက်ထဲမှာ ပို့ကုန်ထက် သွင်းကုန်က များနေတယ်။ သွင်းကုန်အဝင်မှာကျတော့ စက်သုံးဆီတင်သွင်းမှု ဖိအားကလည်း တော်တော်များတယ်။re−export ကိုပိတ်လိုက်ပြီဆိုတော့ တော်တော်လေး ဖိအားလျော့ကျသွားတာ မြင်ရပါတယ်''ဟု ဦးဘိုဘိုငယ်ျှ ပြောပြခဲ့ပါတယ်။

 

          သကြားကဏ္ဍတွင် re−export ပိတ်လိုက်သည့်အတွက် ပြည်တွင်းသကြားဈေးကွက်ကိုမူ သက်ရောက်မှုမရှိခဲ့ဘဲ တရုတ်နိုင်ငံသို့ တင်ပို့သည့် ဈေးကွက်ပိုင်းတွင်သာ ဈေးပိုမိုရရှိလာသည့်ကောင်းကျိုးများရှိလာသည်ဟု မြန်မာနိုင်ငံကြံနှင့် ကြံထွက်ပစ္စည်း ထုတ်လုပ်ရောင်းချတင်ပို့သူများ အသင်းမှတာဝန်ရှိသူတစ်ဦးထံမှ သိခဲ့ရပါတယ်။တရုတ်နိုင်ငံ၏ ဝယ်ယူမှုဈေးနှုန်းသည် ယခင်က သကြားတစ်တန်လျှင် တရုတ်ယွမ်ငွေ ၃,၅ဝဝ ဈေးသာရှိခဲ့ရာမှ ယခုအခါ ယွမ် ၃,၈ဝဝ ဈေးနှုန်းထိ တက်လာခဲ့သည်။ ထို့ပြင် တရုတ်နိုင်ငံ၏ သကြားဝယ်လိုအားပိုင်းတွင်လည်း ပိုမိုများလာကာ ဈေးနှုန်းများလည်းမြင့်လာသည်ဟု သကြားကုန်သည်တစ်ဦးက ပြောပြချက်အရ သိခဲ့ရခြင်းလဲ ဖြစ်ခဲ့ပါတယ်။

 

          စီးပွားရေး နှင့် ကူးသန်းရောင်းဝယ်ရေးဝန်ကြီးဌာနက re−export လိုင်စင်စနစ်ဖြင့် သကြားတင်သွင်းရန် တန်ချိန် ရှစ်သိန်းခွင့်ပြုထားသည့်အနက် တန်ချိန် သုံးသိန်းကို တင်ပို့ထားပြီးဖြစ်သည်ဟု မြန်မာနိုင်ငံကြံ နှင့် ကြံထွက်ပစ္စည်းထုတ်လုပ်တင်ပို့ ရောင်းချသူများအသင်းမှ တာဝန်ရှိသူက ပြောခဲ့ပါတယ်။မြန်မာနိုင်ငံ၏ ပို့ကုန်ပမာဏ တိုးလာစေရန် ရည်ရွယ်ချက်ဖြင့် ပြည်တွင်းလုပ်ငန်းရှင်များကို သကြား re−export လိုင်စင်ပေးထားပြီး သကြားများကို အိန္ဒိယနှင့် ထိုင်းတို့မှ ဝယ်ယူတင်သွင်းကာ တရုတ်နိုင်ငံသို့ ပြန်လည်တင်ပို့ရန် စီး/ကူး ဝန်ကြီးဌာနက ခွင့်ပြုချက်ပေးထားခဲ့ပါတယ်။

 

          စက်သုံးဆီ re−export ကဏ္ဍတွင်လည်း တရုတ်နိုင်ငံမှ တရားဝင်အဖြစ် သတ်မှတ်မှုမရှိခြင်းကြောင့် ငွေလွှဲစနစ်များကို တရားဝင်လမ်းကြောင်းမှ ဆောင်ရွက်နိုင်ခြင်းမရှိဘဲ ဖြစ်နေသည်။ ထို့ကြောင့်ပြည်တွင်းသို့ ပို့ကုန်ရငွေ ပြန်လည်စီးဝင်ရာတွင် အချိန်ကြန့်ကြာခြင်း နှင့် ငွေစီးဝင်မှုပမာဏများကို စိစစ်ထိန်းချုပ်နိုင်ခြင်းမရှိဘဲဖြစ်နေသည်ဟု ဦးဘိုဘိုငယ်က ပြောခဲ့ပြီးလတ်တလောတွင် ငွေလဲလှယ်နှုန်းအခြေအနေများကို တည်ငြိမ်ရန်ကြိုးစားနေရဆဲ ကာလဖြစ်နေသည့်အတွက် re−export လိုင်စင်များအား ပြန်လည်ခွင့်ပြုပေးမည့်အချိန်ကိုလည်း အတည်မပြုနိုင်သေးကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန တာဝန်ရှိသူက ပြောခဲ့ပါတယ်။

 

          သို့သော် re−export စနစ်ပြန်လည်စတင်ပါက တရားဝင်လမ်းကြောင်းမှ ငွေကြေးစီးဆင်းမည့် စနစ်တစ်ခုဖန်တီးရန်လိုအပ်ကြောင်း၊ re−export လိုင်စင်ထုတ်ပေးရာတွင် ရောင်းရငွေများကို တရားဝင်လမ်းကြောင်းမှ ငွေလွှဲသည့်စနစ်ကို ဖော်ဆောင်သင့်သည်ဟု အမည်မဖော်လိုသည့် ကုန်သည်တစ်ဦးမှပြောခဲ့ပြီး တရားမဝင် ငွေစီးဆင်းမှုများကိုလည်း ထိန်းချုပ်နိုင်မည်။''တချို့က ဘဏ်ကနေ တရားဝင်သွားတာရှိသလို၊ တရားမဝင်လမ်းကြောင်းကနေ တစ်ဖက်ကို ထွက်သွားတာတွေလည်းရှိတယ်။ re−export ခွင့်ပြုပေးတဲ့ပမာဏအားလုံးက ဘဏ်ကနေ တကယ်သွားရဲ့လားဆိုတာ စိစစ်မှုအားနည်းတယ်။ဘဏ်ကနေပဲ လွှဲရမယ်ဆိုတဲ့ စနစ်တစ်ခု ဖန်တီးရမယ်။''ဒေါ်လာဈေးအတက်အကျ အရမ်းကြမ်းနေတဲ့အချက်ထဲမှာ အပြင်ကနေ ငွေလွှဲတာတွေကြောင့်လည်း ပါတယ်။ re−export သွင်းကုန်လိုင်စင် တော်တော်များများမှာ အဲဒီ ပြဿနာတွေများကြတယ်''ဟု အမည်မဖော်လိုသူ ကုန်သည်တစ်ဦးက ထပ်မံ ပြောပြခဲ့ပါတယ်။

 

Source : Myanmar time

 

Readmore ; Fully Online Licensing ပို့ကုန်သွင်းကုန်ပစ္စည်း(၈၁)ခု ထပ်မံကြေညာ

Read times
Rate this item
(0 votes)