မြန်မာနှင့် ဘင်္ဂလားဒေ့ချ်နိုင်ငံ နယ်စပ်တွင် စစ်တွေနှင့် မောင်တော နယ်စပ်ကုန်သွယ်ရေးစခန်း (၂) ခု ရှိသည်။ စခန်းတစ်ခုချင်းစီ၏ အချက်အလက်များနှင့် သွင်းကုန်၊ ပို့ကုန်များကို အောက်တွင် ဖော်ပြထားသည်။
၁၈။ စစ်တွေ နယ်စပ်ကုန်သွယ်ရေးစခန်း ( ဒီဇင်ဘာ ၁၁၊ ၁၉၉၈ )
ရခိုင်ပြည်နယ်၊ စစ်တွေမြို့ရှိ စစ်တွေကုန်သွယ်ရေးစခန်း ( ရွှေမင်းဂံဆိပ်ကမ်း ) သည် ဘင်္ဂလားဒေ့ချ် တက္ကနဗ်မြို့နှင့် အဓိက ကုန်သွယ်မှု ပြုလုပ်သည်။ မန်ကျည်းစေ့၊ ဆီးဖတ်၊ အုန်းသီး၊ အုန်းသီးခြောက်၊ ချင်း (အစို)၊ စစ်တုံဥ၊ ဆီးယိုထုပ်၊ ဆီးသီးခြောက်၊ ထန်းလျက် စသည့် လယ်ယာထွက်ကုန်များ၊ ငါးခရု စသည့် ရေထွက်ကုန်များ၊ သစ်တောထွက်ပစ္စည်းများနှင့် စက်မှုကုန်ချော ပစ္စည်းများကို တင်ပို့သည်။
၂။ မောင်တော နယ်စပ်ကုန်သွယ်ရေးစခန်း ( စက်တင်ဘာ ၅၊ ၁၉၉၅ )
မောင်တောကုန်သွယ်ရေးစခန်း ( ကညင်ချောင်း ) သည်လည်း ရခိုင်ပြည်နယ်တွင် ရှိပြီး ရေထွက်ပစ္စည်းများ၊ ဇီးယိုထုတ်၊ ဂျင်း (အစို)၊ ကြက်သွန်၊ ကုလားပဲ၊ ဇီးသီးခြောက်၊ မကျည်းစေ့၊ ဖိနပ်၊ ချည်လုံချည်၊ သနပ်ခါးခဲ၊ ကော်ဖီမစ်၊ နေကြာစေ့နှင့် ခေါက်ဆွဲခြောက်တို့ကို အဓိကထား တင်ပို့သည်။
စစ်တွေနှင့် မောင်တော ကုန်သွယ်ရေးစခန်း နှစ်ခုစလုံး ဆံပင်၊ ပလတ်စတစ် ရေတိုင်ကီ၊ တီရှပ်နှင့် ဒီဇယ် အနည်းငယ်ကိုသာ ပြည်တွင်းသို့ ပြန်လည် တင်သွင်းသည်။
အထက်ပါ နယ်စပ်စခန်း (၂) ခုမှ ၂၀၂၂- ၂၀၂၃ ဘဏ္ဍာနှစ်၊ ပြီးခဲ့သည့် နိုဝင်ဘာလအထိ ပို့ကုန်တန်ဖိုး အမေရိကန်ဒေါ်လာ (၇) သောင်းကျော် ရရှိခဲ့ပြီး သွင်းကုန်တန်ဖိုး (၆) သောင်းကျော် ရရှိခဲ့ကာ စုစုပေါင်း ကုန်သွယ်မှုပမာဏမှာ အမေရိကန်ဒေါ်လာ (၁) သိန်းကျော် ဖြစ်သည်။
Advertisement
Click Here > DM Trading
မြန်မာနိုင်ငံနှင့် လာအိုနိုင်ငံ နယ်စပ်တွင်မူ ကျိုင်းလပ် နယ်စပ်ကုန်သွယ်ရေးစခန်း တစ်ခုသာ ရှိသည်။ နိုင်ငံအတွင်းရှိ တာချီလိတ်မြို့၊ ကျိုင်းတုံမြို့၊ တောင်ကြီးမြို့တို့နှင့် အဓိက ကုန်သွယ်မှု ဆောင်ရွက်လျက်ရှိပြီး ကျိုင်းလပ်ကုန်သွယ်ရေးစခန်းမှ ပြည်ပသို့ ကုန်သွယ်မှု ဆောင်ရွက်နိုင်ခြင်း မရှိသေးပေ။
ကျိုင်းလပ် နယ်စပ်ကုန်သွယ်ရေးစခန်း ( မတ် ၁၅၊ ၂၀၁၅ )
လာအိုနိုင်ငံနှင့် နယ်စပ်မြို့ဖြစ်သော ရှမ်းပြည်နယ် (အရှေ့ပိုင်း)၊ တာချီလိတ်ခရီုင်၊ တာချီလိတ်မြို့နယ်၊ ကျိုင်းလပ်မြို့၊ မြန်မာ- လာအို နှစ်နိုင်ငံ ချစ်ကြည်ရေး မဲခေါင်မြစ်တံတားမှ (၁.၃) မိုင်ခန့် အကွာတွင် ကျိုင်းလပ်ကုန်သွယ်ရေးစခန်း တည်ရှိသည်။
Su Mon Oo
Ref : MOC & Media & Press
Photo credit goes to the owners
