Export & Import

အိန္ဒိယ-မြန်မာ နယ်စပ်ကုန်သွယ်မှုဖွံ့ဖြိုးရေး စီးပွားရေးလုပ်ငန်းများ ပူးပေါင်းဆောင်ရွက်ရန် ဆွေးနွေး

အိန္ဒိယ-မြန်မာ နှစ်နိုင်ငံနယ်စပ်ကုန်သွယ်မှု ဖွံ့ဖြိုးတိုး တက်ရေး နယ်နိမိတ်ချင်းထိစပ်နေသော ပြည်နယ်များမှ စီးပွားရေးလုပ်ငန်းများပူးပေါင်း ဆောင်ရွက်နိုင်ရန် အောက်တိုဘာ ၃၀ ရက်က မန္တလေးမြို့တွင် ဆွေးနွေးခဲ့သည်။

ပြီးခဲ့သည့် ရက်ပိုင်းက တိုင်း အစိုးရအဖွဲ့  တာဝန်ရှိသူများ အိန္ဒိယနိုင်ငံ နာဂလန်း (Nagaland) ပြည်နယ်သို့ သွားရောက်ခဲ့သည့် ခရီးစဉ်အတွင်း နှစ်နိုင်ငံနယ်စပ် ကုန်သွယ်မှုနှင့် စီးပွားရေးဖွံ့ဖြိုး ရေးအတွက် ပူးပေါင်းဆောင်ရွက် ရေးဆွေးနွေးပွဲပြုလုပ်ရန် တောင်း ဆိုခဲ့ရာမှ ယခုဆွေးနွေးပွဲဖြစ်ပေါ် လာကြောင်း မန္တလေးတိုင်းဒေသကြီးအစိုးရရှမ်းတိုင်းရင်းသားရေးရာဝန်ကြီး ဦးစိုင်းကျော်ဇောက ပြောသည်။

အိန္ဒိယ အနေဖြင့် နှစ်နိုင်ငံ စီးပွားရေးလုပ်ငန်းများ ပူးပေါင်း ဆောင်ရွက်ကာ နယ်စပ်ကုန် သွယ်ရေးလုပ်ငန်းများ ဖွံ့ဖြိုးလာ စေရန် လုပ်ဆောင်မည့်အပြင် မြန်မာနိုင်ငံမှ SMEs လုပ်ငန်းများကို ငွေကြေး ကူညီပံ့ပိုးနိုင်ရန်လည်း စီစဉ်နေကြောင်း အိန္ဒိယ ကောင်စစ်ဝန်ရုံး (မန္တလေး)မှ ကောင်စစ်ဝန်ချုပ် Mr. Nanda Singh Bhai-sora က ပြောသည်။

ဆွေးနွေးပွဲသို့ မြန်မာနိုင်ငံနှင့်  နယ်နိမိတ်ချင်းထိစပ်နေသော အိန္ဒိယနိုင်ငံ ပြည်နယ်လေးခုမှ စီးပွားရေးလုပ်ငန်းရှင်များ၊ မြန်မာနိုင်ငံဘက်မှ ချင်းပြည်နယ်၊ စစ် ကိုင်းတိုင်းနှင့် မန္တလေးတိုင်းတို့မှ စီးပွားရေးလုပ်ငန်းရှင်များ တက် ရောက်ခဲ့သည်။

‘‘ချင်းပြည်နယ်နဲ့ မန္တလေးတို့ ဟာ အိန္ဒိယအတွက် ရှေ့ကိုကုန်သွယ်မှုပြုလုပ်နိုင်ဖို့ အရေးပါတဲ့ ပြည်နယ်တွေ ဖြစ်ပါတယ်။ ချင်း မှာလည်း လမ်းပန်းဆက်သွယ် ရေးကောင်းမွန်ဖို့အတွက် ဆောင် ရွက်နေပြီ ဖြစ်တာကြောင့် နှစ်နိုင်ငံပူးပေါင်းဆောင်ရွက်မှုကနေ နယ် စပ်ကုန်သွယ်မှုဖွံ့ဖြိုးရေးကို အ ထောက်အကူပြုနိုင်မယ်လို့ ယုံ ကြည်ပါတယ်’’ဟု ချင်းပြည်နယ် စည်ပင်သာယာရေးနှင့် စက်မှု လက်မှုဝန်ကြီး ဆလိုင်းအိုက်ဇက် ခင်က ပြောသည်။

 ဆွေးနွေးပွဲတွင် သတင်းအချက်အလက်နှင့် နည်းပညာ ကဏ္ဍ၊ အသေးစား ဘဏ္ဍာရေး ကဏ္ဍ၊ ခရီးသွားလာရေးကဏ္ဍ၊ ကျန်းမာရေးကဏ္ဍ၊ လျှပ်စစ်နှင့် လျှပ်စစ်ပစ္စည်းကဏ္ဍ၊ အထည်နှင့်လက်မှုနည်းပညာကဏ္ဍ၊ တက္က သိုလ်ပညာရေး ကဏ္ဍများ ဆွေး နွေးခဲ့သည်။

Source: 7 days new

Read times
Rate this item
(0 votes)