Local Industry

နိုင်ငံခြားသားများကို အစုရှယ်ယာရောင်းဝယ်ခြင်းကို ခွင့်ပြုလိုက်ခြင်းကြောင့် စတော့ရှယ်ယာဈေးကွက် အရှိန်အဟုန်ဖြင့် တိုးတက်လာ

နိုင်ငံခြားသားများကို အစုရှယ်ယာရောင်းဝယ်ခြင်းကို ခွင့်ပြုလိုက်ခြင်းကြောင့် စတော့ရှယ်ယာဈေးကွက် အရှိန်အဟုန်ဖြင့် တိုးတက်လာ google

ရှယ်ယာအရောင်းအ၀ယ်အေးစက်နေသည့် စတော့ဈေးကွက်ကို ကုစားနိုင်ရေးအတွက် ရန်ကုန်စတော့အိတ်ချိန်း စာရင်းဝင် ကုမ္ပဏီများ၌ နိုင်ငံခြားသားရင်းနှီးမြှုပ်နှံခွင့်ပြုပေးလိုက်ခြင်းကြောင်း အစုရှယ်ယာဈေးကွက်အရောင်းအ၀ယ် အရှိန်အဟုန်ဖြင့် တိုးတက်လာနိုင်ကြောင်း စတော့ဈေးကွက်ကျွမ်းကျင်သူအချို့ကဆိုသည်။

 

ယင်းသို့ နိုင်ငံခြားသားများ ရန်ကုန်စတော့အိတ်ချိန်းရှိ စာရင်းဝင်ကုမ္ပဏီများ၌ အစုရှယ်ယာအရောင်းအ၀ယ်ပြုလုပ်ရာတွင် ပါဝင်ခွင့်ရရေးအတွက် လိုအပ်သည့် စည်းမျဉ်း/စည်းကမ်းများကို ဇူလိုင်လ ၁၂ ရက်နေ့ ရက်စွဲဖြင့် မြန်မာနိုင်ငံငွေချေးသက်သေခံ လက်မှတ်လုပ်ငန်းကြီးကြပ်ရေးကော်မရှင်က ထုတ်ပြန်လိုက်ခြင်းဖြစ်သည်။

 

CB Securities ၏ အုပ်ချုပ်မှုဒါရိုက်တာ ဦးသောင်းဟန်က “ အခုနိုင်ငံခြားသားတွေ တစ်ဦးတစ်ယောက်ပဲဖြစ်ဖြစ်၊ အဖွဲ့အစည်း ဖြစ်ဖြစ် ၀င်ရောက်ရင်းနှီးမြှုပ်နှံခွင့်ပြုလိုက်ပြီဆိုတော့ မကြာခင်မှ ၀င်လာကြတော့မယ်။ ၀င်လာတာနဲ့ ဒီဈေးကွက်အနေအထားက ပြောင်းမယ်။ ပြောင်းလာတာနဲ့ လှုပ်ရှားမှုတွေ များလာမယ်။ စိတ်ဝင်စားမယ့်သူလည်း ပိုများလာမယ့်အချိန်မှာ ရန်ကုန်စတော့ အိတ်ချိန်းကြီး ပြန်လည်ရှင်သန်ပြီးတော့ တိုးတက်မှုတွေလည်း အရှိန်အဟုန်လေး ပြန်ဖြစ်လာမယ်လို့ ယုံကြည်ပါတယ်” ဟု ပြောသည်။

 

လက်ရှိ တရုတ်နှင့် ထိုင်းနိုင်ငံတို့အပါအ၀င် အာရှနိုင်ငံအများစု ရန်ကုန်စတော့အိတ်ချိန်းတွင် ရင်းနှီးမြှုပ်နှံရန် လာရောက်စုံစမ်း မှုများရှိနေပြီး စတော့ဈေးကွက်သို့ အလုံးအရင်း ၀င်ရောက်လာပြီး ဈေးကွက်ကို ထိန်းချုပ်လာခြင်းမျိုး မရှိနိုင်ကြောင်း ဦးသောင်းဟန်က ဆိုသည်။

 

“ ဈေးကွက်ကို လွှမ်းမိုးထိန်းချုပ်မှာကိုတော့ သိပ်မပူပန်ပါဘူး။ စတော့အိတ်ချိန်း၊ စာရင်းဝင်ကုမ္ပဏီ၊ ငွေချေးသက်သေခံ လက်မှတ်လုပ်ငန်းကြီးကြပ်ရေးကော်မတီနဲ့ Securities Exchange ကုမ္ပဏီတွေအားလုံးက ဟန်ချက်ညီညီနဲ့ ပူးပေါင်း ဆောင်ရွက်ရင်တော့ လျင်လျင်မြန်မြန်နဲ့ တိုးတက်လာမှာပါ” ဟု ဆိုသည်။

 

လက်ရှိ စာရင်းဝင်ကုမ္ပဏီများအနေဖြင့် နိုင်ငံခြားသားပိုင်ဆိုင်မှုကို ၃၅ ရာခိုင်နှုန်းအတွင်းသာ စတော့အိတ်ချိန်းတွင် အရောင်းအ၀ယ်ပြုလုပ်ရမည်ဖြစ်ပြီး နိုင်ငံခြားသားပိုင်ဆိုင်မှုကို မည်မျှရှိသည်ကိုလည်း ရန်ကုန်စတော့အိတ်ချိန်းကို တင်ပြရမည်ဖြစ်ကြောင်း သိရသည်။

 

မြန်မာနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်အဖွဲ့ဝင် ဦးဌေးချွန်က “စတော့အိတ်ချိန်းဈေးကွက်မှာ လည်းပဲ လက်ရှိက မြန်မာကုမ္ပဏီတွေချည်းပဲ ဆိုတော့ ဈေးကွက်အေးနေတယ်။ နိုင်ငံခြားသားတွေကလည်း ဒီဈေးကွက် အကြောင်း နားလည်တယ်။ ရောင်းဝယ်သူကလည်း ဈေးကွက်ရဲ့ သဘောသဘောဝကို နားလည်တယ်။ ဒါကြောင့် ဒီဈေးကွက် အရောင်းအ၀ယ်သွက်လာမယ်လုိ့ ထင်ပါတယ်” ဟု ဆိုသည်။

 

<<<<< အေးစက်နေဆဲ စတော့ဈေးကွက် >>>>>

 

လက်ရှိ ရန်ကုန်စတော့အိတ်ချိန်းတွင် စာရင်းဝင်ကုမ္ပဏီ (၅)ခုသာ အစုရှယ်ယာအရောင်းအ၀ယ်ကို လုပ်ကိုင်နေကြပြီး နိုင်ငံခြား ရင်းနှီ်းမြှုပ်နှံခွင့်ပြုလိုက်ခြင်းကြောင့် စာရင်းဝင်ကုမ္ပဏီအရေအတွက် တိုးလာနိုင်ကြာင်း သုံးသပ်မှုများ ရှိနေသည်။

 

စတော့ရှယ်ယာဝယ်ယူထားသူ ဦးကိုကိုကျော်က “ နိုင်ငံခြားသားရင်းနှီးမြှုပ်နှံတဲ့သူတွေကတော့ ရန်ကုန်စတော့အိတ်ချိန်းမှာ မြှပ်နှံဖို့ စိတ်ဝင်စားမှုများတယ်လို့ သိထားတယ်လေ။ သူတို့လည်း လာဖို့ အခြေအနေတွေ ရှိတယ်လို့ ထင်တယ်လေ။ တကယ်ရှိလာပြီဆိုရင် တစ်ယောက်ဝင်လာရင် နောက်လူတွေလည်း အပြိုင်အဆိုင် ၀င်လာမှာပဲ။ အဲ့လို ၀င်လာရင် စတော့ရှယ်ယာဈေးကွက်ကြီးက ကြီးမှာလာမယ်လို့ ထင်ပါတယ်။ ထပ်တိုးပြီး ရင်းနှီးမြှုပ်နှံသွားမှာပါ” ဟု ပြောသည်။

 

လက်ရှိ ပြည်တွင်းကုမ္ပဏီများတွင် နိုင်ငံခြားသား ရင်းနှီးမြှုပ်နှံမှုများကို သြဂုတ်လ ၁ ရက်က စတင်အသက်ဝင်သည့် မြန်မာကုမ္ပဏီဥပဒေ ၂၀၁၇ တွင် ၃၅ ရာခိုင်နှုန်းအထိ ရင်းနှီးမြှုပ်နှံခွင့်ပြုထားခြင်းဖြစ်ကြောင်း သိရသည်။

 

လက်ရှိမှာ ရန်ကုန်စတော့အိတ်ချိန်းတွင် First Myanmar Investment (FMI)၊ Myanmar Thilawa SEZ Holidings Public (MTSH)၊ မြန်မာနိုင်ငံသားများဘဏ် (MCB)၊ ပထမပုဂ္ဂလိကဘဏ် (FPB) နှင့် TMH Telecom Public (TMH) တို့က စာရင်းဝင် ကုမ္ပဏီများအဖြစ် အစုရှယ်ယာများ အရောင်းအ၀ယ်ပြုလုပ်လျက်ရှိကြောင်း သိရသည်။

 

Source : BE NEWS

 

Myanmar Logistics Guide

Read times
Rate this item
(1 Vote)