Local Industry

၂၀၂၀-၂၀၂၁ ဘဏ္ဍာနှစ်တွင် ပို့ကုန်ကဏ္ဍတွင် လျာထားချက်၏ ၁၄ ရာခိုင်နှုန်းကျော် ဆောင်ရွက်နိုင်ခဲ့

၂၀၂၀-၂၀၂၁ ဘဏ္ဍာနှစ်တွင် မြန်မာနိုင်ငံမှ ပို့ကုန် အမေရိကန်ဒေါ်လာ၁၆ ဒသမ ၂ ဘီလီယံတင်ပို့ရန်၊ သွင်းကုန် အမေရိကန်ဒေါ်လာ ၁၈ ဒဿမ ၅ ဘီလီယံတင်ပို့ရန် လျာထားကြောင်း၊ နိုဝင်ဘာလအထိ လျာထားချက်၏ ပို့ကုန် ၁၄ ရာခိုင်နှုန်းကျော်၊ သွင်းကုန် ၁၄ ရာခိုင်နှုန်းခန့် ဆောင်ရွက်ပြီးဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာ၊ လက်ထောက်အတွင်းဝန် ဦးခင်မောင်လွင်က ဆင်ဟွာသို့ ဒီဇင်ဘာ ၂၃ ရက်တွင်ပြောကြားသည်။
 

 “ပို့ကုန်ကဏ္ဍမှာဆိုရင် အောက်တိုဘာနဲ့ နိုဝင်ဘာ မှာအမေရိကန်ဒေါ်လာ ၄ ဒသမ ၉ ဘီလီယံကျော် ဆောင်ရွက်ပြီးသွားပြီ။ မနှစ်က ကာလတူနဲ့ယှဉ်ရင် ၂ ဘီလီယံလောက်လျော့နည်းခဲ့တယ်။ မနှစ်က ပို့ကုန်ကဏ္ဍက အမေရိကန်ဒေါ်လာ ၇ ဘီလီယံလောက် ဆောင်ရွက်နိုင်ခဲ့တယ်။ အဓိက COVID-19 ကြောင့်ပါပဲ’’ ဟု ၎င်းကဆိုသည်။

ပို့ကုန်သာမက ယခုဘဏ္ဍာနှစ်စတွင် သွင်းကုန်လည်းလျော့နည်းခဲ့ပြီး COVID-19 ကြောင့် ကုန်သွယ်ရေးကဏ္ဍတွင် ကြန့်ကြာမှုများလည်းရှိကြောင်း သိရသည်။ ပို့ကုန်ကဏ္ဍတွင် အဓိကအားဖြင့် သဘာဝဓာတ်ငွေ့၊ ကျောက်စိမ်းနှင့် အထည်ချုပ်လုပ်ငန်းများမှ ကျဆင်းခဲ့ခြင်းဖြစ်ကြောင်း ဆိုသည်။
 
“အဓိကလျော့နည်းရတာက သဘာဝဓာတ်ငွေ့၊ ကျောက်စိမ်းတို့ CMP (အထည်ချုပ်) တို့လျော့နည်းခဲ့တယ်။ ကျောက်စိမ်းတင်ပို့မှု က အများကြီးလျော့နည်းတယ်။ဒါပေမယ့် စီးပွားရေးသံမှူးရှိတဲ့ နေရာတွေဆို သံရုံးတွေကတစ်ဆင့် ပို့ကုန်တွေ တိုးချဲ့တင်ပို့နိုင်ဖို့ ဆောင်ရွက်နေတာတွေရှိတယ်။ လယ်ယာထွက်ကုန်တွေကြတော့ ပို့ကုန်တင်ပို့မှုပိုများလာတာတွေ့ရတယ်’’ ဟု ဦးခင်မောင်လွင်ကဆက်ပြောသည်။
 
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အနေဖြင့် ပို့ကုန်၊သွင်းကုန် နှင့် ပတ်သက်၍ လျာထားချက် ပြည့်မီစေရန် ကြိုးပမ်းဆောင်ရွက်လျက်ရှိကြောင်း၊ လက်ရှိကုန်သွယ်မှု ဆောင်ရွက်ချက်များအရ လျာထားမှု ပြည့်မီနိုင်မည်ဟုယူဆကြောင်း ၎င်းကဆိုသည်။
 
Xinhua
Read times
Rate this item
(0 votes)