Port News

အမေရိကန်ပြည်ထောင်စုသည် အီရန်နိုင်ငံအပေါ် ပိတ်ဆို့မှုအရ အီရန်မှ Islamic Republic of Iran Shipping Lines (IRISL) နှင့် စီးပွားရေးလုပ်ကိုင်သည့် တရုတ်သင်္ဘောလိုင်း ၆ ခုနှင့် လူပုဂ္ဂိုလ် နှစ်ဦးတို့ကို နာမည်ပျက်စာရင်းသွင်းကြောင်း အသိပေးကြေညာခဲ့သည်။

တရုတ်နိုင်ငံသည် ဆိပ်ကမ်း ၁၀ ခုကို နိုင်ငံခြားသင်္ဘောသားများ ပြောင်းလဲမှုလုပ်ငန်းစဉ် လည်ပတ်မှုအသစ်အား 'circuit breaker' စနစ်ဖြင့်ပြန်လည်လုပ်ကိုင်ခွင့်ပြုရန် စီစဉ်ထားပြီးဖြစ်ကြောင်း Bimco မှ ထုတ်ပြန်ချက်တွင် ဖော်ပြထားသည်။

အမေရိကန်၊ ဗြိတိန်နှင့်အီတလီ နိုင်ငံများမှ ဇိမ်ခံသင်္ဘောများသည် တူရကီနိုင်ငံ Aliaga ဆိပ်ကမ်းမြို့ရှိသင်္ဘောကျင်းတစ်ခုတွင် သတ္တုအပိုင်းအစများအဖြစ် ဖြတ်ထုတ်ပြီး သံရည်ကြိုခံဖို့ စောင့်ဆိုင်းနေကြရသည်မှာ COVID-19 ကူးစက်ရောဂါကြောင့် ဇိမ်ခံခရီးသွားသင်္ဘောများ လုပ်ငန်းကဏ္ဍ အကြီးအကျယ် ထိခိုက်ခဲ့သောကြောင့် ဖြစ်သည်။အဆိုပါ တူရကီသင်္ဘောကျင်းသည် ဇိမ်ခံခရီးသွားသင်္ဘော ၅ စီးကို တစ်ပြိင်တည်း အပိုင်းပိုင်း ဖြတ်တောက်နေသည်။ လူအင်အား နှစ်သောင်းခွဲဝန်းကျင်ဖြင့် လုပ်ကိုင်လျက် ရှိသည်။ သောကြာနေ့တွင်ငါးဖမ်းလှေငါးစီးအားခွဲထုတ်။ ဖြိုဖျက်ခဲ့သည်။ လူပေါင်း ၂၅၀၀၀ ခန့်သည်အဖွဲ့များတွင်အလုပ်လုပ်နေကြသည်။ သူတို့သည် သင်္ဘောမှာ တပ်ဆင်ထားသေ တံခါးများ၊ ပြတင်းများ အစရှိသည့် အစိတ်အပိုင်းများကို ဖြုတ်ထုတ်ကြသည်။ သင်္ဘောတစ်စီးကို အခွံချည်း ကျန်တော့သည်အထိ လုပ်ကိုင်ပေးကြမည် ဖြစ်သည်။ ခရီးသွားပင်လယ်ကူးသင်္ဘောကြီးတစ်စီးကို ခွာထုတ်သည့်အလုပ်သည် ၆ လဝန်းကျင်ခန့်ကြာမြင့်သည်။ ခရီးသွားလုပ်ငန်းမှ အပျော်ခရီး ဇိမ်ခံသင်္ဘော ငါးစီး အဖျက်ခံနေကြရာ၌ တစ်စီး၏ အမည်မှာ Carnival Fantasy ဖြစ်သည်။ Carnival Cruise Line ပိုင် သင်္ဘောဖြစ်ပြီး တစ်စီးလုံး ပြန်သ ထားသည်မှာ တစ်နှစ်သာသာမျှသာ ရှိသေးသည်။ ၂၀၂၀ ခုနှစ် ဒုတိဘ သုံးလပတ်တွင် အမေရိကန်ဒေါ်လာ ၄.၄ ဘီလျံ အရှုံးပေါ်ခဲ့ပြီးသည့်နောက်တွင် သင်္ဘော အရည်ကြိုဈေးဖြင့် ရောင်းထုတ်ပစ်ခဲ့ရသည်။ သင်္ဘောအရည်ကြိုလုပ်ငန်းကဏ္ဍမှ အသင်းဥက္ကဋ္ဌတစ်ဦးဖြစ်သူ Kamil Onal က Carnival Cruise Line ပိုင် နောက်ထပ် သင်္ဘော သုံးစီး အရည်ကြိုရန် ရောင်းချထားပြီး ဖြစ်ကြောင်း အတည်ပြုပြောကြားသည်။ ၂၀၂၀ ခုနှစ် အစောပိုင်းလများအတွင်း ဇိမ်ခံခရီးသွားသင်္ဘော(cruise ship)များ ပေါ်တွင် COVID-19 ကူးစက်မှုများ အစုလိုက်အပြုံလိုက် ဖြစ်ပွားခဲ့သည်။ မတ်လ ၂၅ ရက်တွင် coronavirus ကူးစက်ခံထားရသည့် ဇိမ်ခံခရီးသွားသင်္ဘောကြီးများ၏ စီးရေသည် ၃၆ စီးအထိ ဖြစ်လာခဲ့သည်။ သို့်ဖြစ်ရာ အမေရိကန် အာဏာပိုင်တို့က ခရုစ်သင်္ဘောများ ဆိပ်ကမ်းမှ ထွက်ခွာခွင့် မပေးတော့ဘဲ ရောက်သည့်အရပ်တွင် ကျောက်ချရပ်နားထားခိုင်းလိုက်သည်။ သို့ဖြစ်ရာ ဇိမ်ခံခရီးသွားသင်္ဘောလုပ်ငန်း အကြီးအကျယ် ထိခိုက်သည်။ Kamil Onal က ပြောပြသည်မှာ ကိုဗစ်ကူးစက်ရောဂါကပ်ဘေး မတိုင်ခင်က တူရကီ သင်္ဘောကျင်းများတွင် ကုန်တင်သင်္ဘောများ၊ ကွန်တိန်တာသင်္ဘောများကိုသာ အရည်ကြိုရန် ဆောင်ရွက်ခဲ့ကြရပြီး ခရုစ်သင်္ဘော မရှိခဲ့ချေ။"ဒါပေမဲ့ ကိုဗစ်ကပ်ဘေးမှာတော့ ခရုစ်သင်္ဘောတွေ Aliaga ကို ရောက်လာကြတာ တော်တော်များတယ်။ ခရီးစဉ်တွေ ဖျက်သိမ်းကြရပြီး စရိတ်တွေတက်၊ အလုပ်ကလည်း မရှိတော့ ဖျက်ပစ်ဖို့ကို ရွေးချယ်ကြတယ်" ဟု သူက ပြောသည်။ သင်္ဘောကျင်းအနေဖြင့် လုပ်ကိုင်ပေးနိုင်သည့် ပမာဏကို တိုးချဲ့ရန် ဆောင်ရွက်လျက်ရှိရာ နှစ်ကုန်ပိုင်းတွင် စတီးထည် တန်ချိန် ၁၁ သိန်းအထိ ဖျက်ပေးနိုင်မည် ဖြစ်သည်။ နှစ်ဆန်းတုန်းက တန်ချိန် ၇ သိန်းအထိသာ လုပ်ကိုင်ပေးနိုင်ခဲ့သည်။ "အခွင့်အလမ်းတွေ ပေါ်နေချိန်မှာ လက်လွှတ်ခံလို့ မဖြစ်ဘူး" ဟု Kamil Onal က ဖြည့်စွက် ပြောကြားသည်။ Source: Daily Mail

ပိုင်ရှင်စွန့်ပစ် ဆီတင်သင်္ဘောပေါ်မှ သင်္ဘောသား ဒုက္ခသည်များသတင်းကို ဖော်ပြထားသော

ရန်ကုန် ပန်းဆိုးတန်း-ဒလ ကူးတို့ဆိပ်ကမ်းသည် အနယ်နယ်အရပ်ရပ်မှ ခရီးသွားမိဘပြည်သူများ၊အစိုးရဝန်ထမ်းများ၊