အိန္ဒိယ အခြေစိုက် အခြေခံအဆောက်အအုံဆိုင်ရာ ကုမ္ပဏီလုပ်ငန်းစုတစ်ခုဖြစ်တဲ့ Adani Group က ယခုအခါ မြန်မာနိုင်ငံမှာ ကွန်တိန်နာ ဆိပ်ကမ်းတစ်ခု တည်ဆောက်ဖို့ ခွင့်ပြုချက် ရရှိခဲ့ပြီဖြစ်ကြောင်း သိရပါတယ်။
အဆိုပါ အိန္ဒိယလုပ်ငန်းစုကြီးအနေနဲ့ ယင်းရဲ့ ဆိပ်ကမ်း လုပ်ငန်းတွေကို အိန္ဒိယပြင်ပကို ကျော်လွန်ပြီး တိုးချဲ့ဖြန့်ကျက်ဖို့ ဆောင်ရွက်လာနေတာလည်း ဖြစ်ပါတယ်။
ယခု မြန်မာနိုင်ငံမှာ ဖော်ဆောင်မယ့် ကွန်တိန်နာ ဆိပ်ကမ်းကတော့ Adani Group အတွက် သြစတြေးလျပြီးရင် ဒုတိယမြောက် နိုင်ငံတကာဆိပ်ကမ်းလည်း ဖြစ်လာမှာဖြစ်ပါတယ်။
ယခု မြန်မာနိုင်ငံမှာ ဖော်ဆောင်မယ့် ကွန်တိန်နာ ဆိပ်ကမ်းအတွက် Adani Group ကတော့ ကန်ဒေါ်လာ သန်း ၂၉၀ အထိ ရင်းနှီးမြှုပ်နှံသွားဖို့ ရှိနေတယ်လို့လည်း သိရပါတယ်။
Adani Group ရဲ့ ကုမ္ပဏီခွဲတစ်ခုဖြစ်တဲ့ Adani Yangon International Terminal Co Ltd ကိုတော့ ရန်ကုန်တိုင်းဒေသကြီးအတွင်း ကွန်တိန်နာ ဆိပ်ကမ်းသစ်တစ်ခု ဖော်ဆောင်ရာမှာ ရင်းနှီးမြှုပ်နှံလုပ်ကိုင်ဖို့ မြန်မာနိုင်ငံ ရင်းနှီးမြှုပ်နှံမှု ကော်မရှင်ထံကနေ ခွင့်ပြုချက် ရရှိခဲ့ခြင်းဖြစ်ကြောင်း သိရပါတယ်။
Source : SFJ Strategy First Journal
