တတိယနည်းလမ်းကတော့တစ်ခြားသူတစ်ဦးမှ ငွေကြေးစိုက်ထုတ်ဝယ်ယူပေးပြီး ကာလရှည်ပြန်လည်ဌားယူသည့်နည်းလမ်း (Finance-based long-term charter) ဖြင့် သင်္ဘော ရယူသည့်နည်းလမ်းဖြစ်ပါသည်။ ဤနည်းလမ်းအရ Liner operator အနေဖြင့်လုပ်ငန်း ကျွမ်းကျင်သော်လည်း၊ သူရဲ့ သင်္ဘောလိုင်းမှာထပ်ဖြည့်ဖို့ သင်္ဘော ဝယ်ယူရန် ငွေကြေးမတတ်နိုင်သည့်အတွက်လည်းကောင်း (သို့မဟုတ် ) ချေးဌားရန်လည်းအခက်အခဲရှိသည့်အတွက် လည်းကောင်း၊ သင်္ဘောကို နှစ်ရှည်ဌားရမ်း လိုကြပါ တယ်။ တစ်ဖက်ကငွေကြေးတတ်နိုင်ပြီး သင်္ဘောလုပ်ငန်းတွင်ရင်းနှီးမြုပ်နှံလိုသော်လည်း သင်္ဘောလုပ်ငန်းနားမ လည်သူတစ်ဦးက ကြားခံပြီး သင်္ဘောဝယ်ယူပေးလိုက်ပါက ၂ဦး ၂ဖက်အဆင်ပြေစေပါသည်။ liner operator က ငွေစိုက်ထုတ်ဝယ်ပေးသူ၏ သင်္ဘောကို ကာလရှည် (နှစ် ၂၀၊ ၂၅နှစ်) ဌားရမ်းကြပါသည်။ ထိုသို့ဌားရမ်းသည့် စာချုပ်ကို Bareboat (သို့မဟုတ်) Demise charter ဟုခေါ်ပါသည်။
Bareboat charter နဲ့ Demise charter ကို အတူတူ သဘောထားပြီး ပြောဆို သုံးနူန်းသော်လည်း၊ အနည်းကွဲလွဲမှူတော့ရှိပါတယ်။ Bareboat Charter မှာ သင်္ဘောဌားသူက သင်္ဘောကို လူ (crew) မပါဘဲ သင်္ဘောချည်းသာ စင်းလုံးဌားယူခြင်းဖြစ်ပါတယ်။ တစ်ချို့ သင်္ဘောပိုင်ရှင်တွေက မိမိ သင်္ဘောကို သင်္ဘောဌားသူထံသို့ အပြည့်အဝ လက်ရောက် (complete possession) ပေးမထားလိုကြပါဘူး။
သင်္ဘောဌားသူက အလုံးစုံ ထိန်းချုပ် (absolute control) သွားမှာကို မလိုလားကြလို့ပါ။ ဒါကြောင့် သင်္ဘော ဌားသူနဲ့ စင်းလုံးဌားစာချုပ်အပြင် Management Agreement တစ်ခုခု (BIMCO ၏ Shipmen 98) ဖြင့် သင်္ဘောသားများပါခန့်အပ်ပြီးထည့်ပေးလိုက်ပါတယ်။ တစ်ချို့က crew အပြည့်အစုံ၊ ၊ တစ်ချို့ကတော့ မာလိန်မှူးဘဲထည့်ပေးတယ် crew မပါဘူး။ သင်္ဘောပိုင်ရှင်က သူခန့်ပြီးထည့်ပေးလိုက်တဲ့ မာလိန်မှုး နှင့် သင်္ဘောသားများကို သူကဘဲ ခန့်အပ်လစာပေးပါတယ်။ သင်္ဘော ကိုယ်ထယ်အာမခံ (hull insurance) ကိုပါ သင်္ဘောပိုင်ရှင်ကသာပေးပါတယ်။ အကယ်၍ သင်္ဘောဌား သူက သင်္ဘော ဌားခပေးရန်ပျက်ကွက်ပါက သင်္ဘောပေါ်ရှိကုန်ပစ္စည်း (သို့) သင်္ဘောဌားသူ ရရန်ရှိသည့် သင်္ဘောခ တို့ကို သင်္ဘောပိုင်ရှင်က အာမခံအဖြစ် ထိန်း ထား (Lien) နိုင်မည်ဖြစ်ပါသည်။ အဲဒီလို Crew ထည့်ပေးလိုက်ရင် Demise charter လို့ခေါ်ပါတယ်။
Bareboat charter သည် သင်္ဘောကို သင်္ဘောဌားရမ်းသူအား လိုသလို အသုံးပြုနိုင်စေရန် အဌားချထားခြင်း (lease) သာဖြစ်ပါတယ်။ သင်္ဘော ဌားသူဟာ သင်္ဘောကိုလက်ရောက်ရယူပြီး မိမိ စိတ်ကြိုက် စီမံခန့်ခွဲထိမ်းချုပ်နိုင်ပါသည်။ မာလိန်မှူး နှင့် သင်္ဘောသား များကို လည်း သင်္ဘောဌား သူကသာ ခန့်အပ်လစာပေးပါတယ်။ သင်္ဘော သားများ သည် သင်္ဘောဌားသူ၏ဝန်ထမ်းများ (servant of bareboat charterer) ဖြစ်ကြောင်းကို BARECON 2001, clause 10(b) Operation of the Vessel တွင် အောက်ပါအတိုင်းဖော်ပြထားပါတယ်။
ဒါကြောင်မာ့လိန်မှူးက ကုန်တင်တန်ဆာတွင်လက်မှတ်ရေးထိုးပါက၊ မာလိန်မှုးသည် သင်္ဘောဌားသူ၏ ကိုယ်စားလှယ် လည်ုးဖြစ်ပါတယ်။ ကုန်တင်တန်ဆာနှင့် ပတ်သက်၍ တာဝန်ရှိသူမှာ သင်္ဘောဌားသူသာဖြစ်ပြီး သင်္ဘောပိုင်ရှင်မဟုတ်ကြောင်း Baumwoll v. Furness (1893) မှာဆုံးဖြတ်ထားပါတယ်။ (ကျနော်၏ "ပင်လယ်ရေကြောင်းကုန်သွယ်မှူဆိုင်ရာသိကောင်းစရာများစာအုပ်" shipowners`B/L နှင့် charteters ´ B/L တွင် ရှင်းပြထားပါတယ်။)
အကယ်၍ သင်္ဘောချင်းတိုက်မိလို့ ပေးလျော်ရန်တာဝန်ရှိလာပါက၊ Demise charterer ၏တာဝန်သာဖြစ်ပြီး သင်္ဘောပိုင်ရှင်မှာတာဝန်မရှိပါဘူး။ Bareboat charter ဖြင့် ဌားရမ်း ထားစဉ်ကာလတစ်လျောက်လုံး သင်္ဘောဌားသူသည် သင်္ဘော ပိုင်၇ှင်တစ်ဦးကဲ့သို့ စီမံခန့် ခွဲ လုပ်ငန်းလုပ်ကိုင်နိုင်ပါသည်။ ဒါ့ကြောင့် သင်္ဘော ဌားသူကို disponent owner ဟုခေါ်ပါသည်။ ယာယီ သင်္ဘောပိုင်ရှင်လို့လဲ ခေါ်ဝေါ် သုံးနူန်းကြပါတယ်။
Liner operator ၏ မိခင်နိုင်ငံတွင် ကောက်ခံသည့် ပိုင်ဆိုင်မှူ အခွန် (property tax) များပါက သင်္ဘောကို အပိုင်မဝယ်တော့ဘဲ Bareboat charter ဖြင့် ကာလရှည်ဌားရမ်း ကြပါသည်။ အချို့နိုင်ငံများကြတော့ သင်္ဘောလုပ်ငန်းဖွံ့ဖြိုးးစေရန် အခွန်လျော့ပေးကြပါတယ်။ ဥပမာ- ဂျာမဏီနိုင်ငံသည် ဂျာမန်နိုင်ငံသားများနှင့် ဂျာမန်ကုမ္ပဏီများ သင်္ဘောဝယ်ယူပါက German KG scheme အစီအစဉ် အရ အခွန်သက်သာခွင့်များ ရရှိသဖြင့် သင်္ဘော ဝယ်ယူပြီး ပြန်ဌားစာရာတွင် ဈေးနူန်းလျော့ပေးနိုင်၍ သူများထက်တစ်ပန်းသာပါတယ်။
ဒါကြောင့် liner သင်္ဘောတွေကို အဓိက ပိုင်ကြတာက German သင်္ဘောပိုင်ရှင်တွေဖြစ်ကြပါတယ်။ ကုန်သေတ္တာ သင်္ဘော အဌားဈေးကွက်ရဲ့ ၃ပုံ၂ပုံကို ဂျာမန် သင်္ဘောပိုင်ရှင်တွေကထိန်းချုပ်ထားကြပါတယ်။ သင်္ဘောဌားစားတဲ့ အကြီးဆုံး ဂျာမန် သင်္ဘောပိုင်ရှင်ကြီးများထဲက အချို့ကို ဖော်ပြရလျင် C-P Offen, Peter Dohle, NSB N´ Elbe, Norddeutsche, Richmers, E.R. Schiff တို့ဖြစ်ပါတယ် (Clarkson´s container intelligence monthly, May 2011)။ မနှစ်က ဒေဝါလီခံသွား တဲ့ Richmer ပိုင် Old Panamax အရွယ် ကုန်သေတ္တာ သင်္ဘော (TEU 3000 မှ 5000) ၆စီးကို ဂျပန် သင်္ဘော လိုင်း MOL ကို အဌား ချထားတာပါ။
တစ်ချို့ သင်္ဘောကုမ္ပဏီတွေကတော့ ငွေလို လို့ငွေဖော်ချင်တယ်၊ ကိုယ့် သင်္ဘော ကိုလည်း ဆက်ပြီးသုံးချင်တော့ သင်္ဘောကိုတော့ရောင်းလိုက်တယ်၊ ပြီးတော့ ဝယ်သွားတဲ့သူဆီက ကိုယ့် သင်္ဘောကို Bareboat charter နဲ့ပြန်ဌားယူလိုက်တယ်။ ဝယ်တဲ့သူကလည်း သင်္ဘောဝယ်ပြီးတာနဲ့ ချက်ချင်းပြန်ဌားလိုက်ရပြီး ငွေချက်ချင်း ပြန်ဝင်လာမှာဆိုတော့ ဝယ်ဘို့ စိတ်ဝင်စားတယ်။ ဒီလို Bareboat charter မှာ ထူးခြားချက်တစ်ခုက သင်္ဘောဌားသူ က သက်တမ်း စေ့တဲ့အခါ သင်္ဘောကို ကြိုတင်သဘော တူထားတဲ့ ဈေးနူန်း တစ်ခုနဲ့ပြန်ဝယ်ချင်ရင်ဝယ်နိုင်တဲ့ သဘောတူညီချက်ပါ စာချုပ်ထဲမှာထည့်ချုပ် ထားလေ့ရှိပါ တယ်။
နမူနာအနေဖြင့် ယခုမေလအတွင်း မှာဘဲ ဂရိ သင်္ဘောကုမ္ပဏီတစ်ခုဖြစ်တဲ့ DryShips သူ့ရဲ့ ဝမ်းပုံလောင်း သင်္ဘော (bulk carriers) ၅ စီးကို တရုတ်ငွေချေးဌားတဲ့ကုမ္ပဏီသို့ sale and bareboat agreement နဲ့ ရောင်း ချလိုက်ပါတယ်။ သဘောတူညီချက်အရ သင်္ဘော ၅စီးကို US$ ၁၆၄သန်းနဲ့ရောင်းချတာဖြစ်ပြီး ရောင်းဖိုးငွေရဲ့ တစ်ဝက်ကို လက်ငင်းပေးချေရမှာဖြစ်ပါ တယ်။ သင်္ဘောတွေကိုတော့ DryShips ကုမ္ပဏီရဲ့ လက်အောက်ခံကုမ္ပဏီခွဲတွေက Bareboat charter နဲ့ ၈ နှစ်ပြန်ဌားပေးရမှာဖြစ်ပါတယ်။ ၈နှစ်ပြည်တဲ့ ၂၀၂၆ မေလ ရောက်ရင် အဲဒီ သင်္ဘော ၅စီးကို ဝယ်ဈေးရဲ့ ၄၆.၆၇% နူန်း (US$ ၇၆.၅သန်း) နဲ့ပြန်ဝယ်ပေးရမှာဖြစ်ပါတယ်။
၁၉၇၀ခုနှစ်ဝန်းကျင်ကာလ က Bareboat ဖြင့် သင်္ဘောဌားရမ်းခြင်း များ ရေပန်း မစား သောကြောင့် Bareboat charter အတွက် သီးခြား စံသတ်မှတ်ထားသည့် စာချုပ် ပုံစံမရှိဘဲ Time charter ကိုသာ လိုသလို ပြုပြင်၍အသုံးပြုခဲ့ ကြ ရာမှ ၁၉၇၄ တွင် BIMCO က Bareboat charter ၂မျိုးကို ကိုပြုစုထုတ်ဝေ ခဲ့ပါတယ်။ တစ်ပါတ်ရစ် သင်္ဘောကို Bareboat charter အဖြစ်ဌားလိုပါက Barecon A ၊ အသစ်တည်ဆောက်မယ့် သင်္ဘောကို ဌားလို ပါက Barecon B တို့ကိုအသုံးပြု ပါတယ်။ ၁၉၈၉ မှာတော့ Barecon A နှင့် B form နှစ်ခုကို တစ်ခုတည်း အဖြစ်ပေါင်းပြီး Barecon 89 အဖြစ် ပြုစုထားပါသည်။ အမေရိကန်နိုင်ငံကတော့ ကိုယ်ပိုင် Form 149 ကိုအသုံး ပြုပါတယ်။
လက်ရှိပြေးဆွဲနေသော တစ်ပါတ်ရစ် သင်္ဘောကိုBareboat charter ဖြင့် ဌားရမ်းလိုပါက Time charter ဖြင့်ဌားရမ်းသကဲ့သို့ပင် သင်္ဘော ဌားသူ က သူ၏ သင်္ဘောလိုင်း အရောင်သို့ပြောင်းသုတ်နိုင်ပါသည်။ ထူးခြားချက်မှာ Bareboat charter ဖြင့် ဌားရမ်းသည့် ကာလအတွင်း သင်္ဘောပိုင်ရှင်၏သဘောတူညီမှူဖြင့် သင်္ဘောအမည်ကို ပြောင်းနိုင်ပါသည်။
အကယ်၍ သင်္ဘောအသစ်ကို Bareboat charter ဖြင့်ဌားလိုပါက ဌားရမ်းသူ လိုချင်သည့်ပုံစံ (Specifications)အတိုင်း ငွေစိုက်ထုတ်မည့် သင်္ဘောပိုင်ရှင်က သင်္ဘောကျင်းတွင်အပ်နှံပေးပါသည်။ သာဓကအနေဖြင့် သင်္ဘောဌားရမ်းမည့် ပြင်သစ်င်္ဘောလိုင်း CMA CGM နှင့်ညှိနိုင်းပြီး သင်္ဘောပိုင်ရှင် ဂျာမန် Richmer ကုမ္ပဏီသည် ကိုရီးယား သင်္ဘောကျင်းတွင်အပ်နှံထားသည့် ကုန်သေတ္တာ သင်္ဘော ၅စီးကို မူလအပ်နှံစဉ်က TEU 12800 အရွယ်မှ CMA CGM လိုချင်သည့်အရွယ် TEU 16000 အရွယ်သို့ ပြင်ဆင် အပ်နှံခဲ့ ပါသည်။
Bareboat charter ဖြင့်ဌားမည့် သင်္ဘောအသစ် ရဲ့အမည်ကိုလည်း သင်္ဘောပိုင်ရှင်နဲ့ သင်္ဘောဌားရမ်းသူတို့ညှိနိူင်းသဘောတူပြီး ကြိုက်တဲ့အမည်ပေးလို့ရတယ်လို့ BARECON 2001 Part III clause 4 မှာ ဖော်ပြထားပါ တယ်။ကို အမည်ပေးလိုပါက Barecon 2001, Part III, clause 4.
Name of VesseI တွင်ဖော်ပြထားသည်မှာ -
"The name of the Vessel shall be mutually agreed between the Owners and the Charterers and the Vessel shall be painted in the colors, display the funnel insignia and fly the house flag as required by the Charterers"
ဒါပေမဲ့ အမည်မပေးရသေးတဲ့ သင်္ဘော အသစ်ကို Time charter နဲ့ဌား ရာတွင် သင်္ဘောကျင်းက ပေးထားတဲ့ သင်္ဘောမှတ်ပုံတင်အမှတ်ကိုဘဲ Name of Vessel နေရာတွင် ဖော်ပြ၍ ဌားကြပါတယ်။
့ liner operators တွေဟာ သူတို့လိုင်းမှာ ပြေးဆွဲတဲ့ သင်္ဘောတွေရဲ့တစ်ဝက်လောက်ကိုဘဲပိုင်ကြတာဖြစ်ပြီး ကျန်တစ်ဝက် ဟာ ဌားထားတာဖြစ်ကြပါတယ်။ Clarksons Research ရဲ့ ၂၀၁၇ အချက်အလက်တွေအရ ကုန်သေတ္တာ သင်္ဘောအများဆုံးပိုင်သည့်နိုင်ငံမှာ ဂျာမဏီနိုင်ငံဖြစ်ပြီး အစီးရေ ၂၁၀၆ စီးပိုင်ဆိုင်ပါတယ်။ Maersk လိုင်းအခြေစိုက်သည့် ဒိန်းမတ် နိုင်ငံကတော့ အစီး ၃၀၀ ဘဲပိုင်ပါတယ် (ပုံ ၁)။ ဒါကြောင့် ကမ္ဘာ့ထိပ်တန်းကုန်သေတ္တာ သင်္ဘောပိုင်တဲ့နိုင်ငံတွေနဲ့ထိပ်တန်း ကုန်သေတ္တာ သင်္ဘော လိုင်းတွေအခြေစိုက်တဲ့နိုင်ငံတွေဟာ မတူညီ ကြတာဖြစ်ပါတယ်။ ဂျာမန် နဲ့ ဂရိ တွေဟာ ကမ္ဘာမှာသင်္ဘော အများဆုံး ပိုင်ဆိုင်သူတွေဖြစ်ကြပေမဲ့ ထိပ်တန်း ကုန်သေတ္တာ သင်္ဘောလိုင်းပိုင်ရှင်တွေ မဟုတ်ကြပါဘူး။ သဘော ကတော့ သူတို့ပိုင်တဲ့ သင်္ဘောတွေကို သင်္ဘောလိုင်းတွေကို ဌားစားတဲ့သူတွေ (charter-owner) ဖြစ်ကြပါသည်။
၂၀၁၇အတွင်း ကမ္ဘာ့ အကြီးဆုံး ကုန်သေတ္တာ လိုင်း မှာ ဒိန်းမတ် အခြေစိုက် Maersk လိုင်းဖြစ်ပြီး သင်္ဘောအစီးရေ ၆၂၁စီး ဖြင့် လိုင်း ပြေးဆွဲနေခြင်းဖြစ်ပါတယ် ။ ဒါကြောင့် Maersk လိုင်းက သင်္ဘော ၃၂၁ စီးကို သင်္ဘောဌားစားတဲ့ သင်္ဘောပိုင်ရှင် (Charter-owners) တွေထံက နှစ်ရှည်အဌားစာချုပ်နဲ့ ဌားထားတာလို့အကြမ်းဖျင်းတွက်ဆလို့ ရပါတယ်။
Bareboat charter ရဲ့ Time charter မဲ့မတူတဲ့ ထူးခြားချက်က သင်္ဘောဌားသူက သူ ဌားထားတဲ့ သင်္ဘောကို Bareboat Charter Registry ဆိုပြီး နောက်ထပ်အပြိုင်မှတ်ပုံတင် (Parallel Registry) ထပ်တင်နိုင်ပါတယ်။ သင်္ဘောပိုင်ရှင်(သို့) ဝယ်မယ့် သင်္ဘောကိုအပေါင်ခံပြီး ငွေထုတ်ချေးထားတဲ့ ဘဏ်က သူတို့အမည်နဲ့မှတ်ပုံတင်ထားတဲ့ မူလမှတ်ပုံတင်ကိုတော့ Underlying Registry လို့ခေါ်ပါတယ်။
မြန်မာနိုင်ငံတွင် စင်းလုံးဌားရမ်းခြင်း စာချုပ်အရဖြစ်စေ၊ လူမပါစင်းလုံးဌားရမ်းခြင်းစာချုပ် အရဖြစ်စေ၊ မှတ်ပုံတင်ရန်အတွက် တင်ပြရ မည့်စာရွက်စာတမ်းများကို "မြန်မာ သင်္ဘောများ မှတ်ပုံတင်ဥပဒေ" ပုဒ်မ ၁၉ တွင်ဖော်ပြထားပါသည်။
နိဂုံးချုပ်အနေဖြင့် Maersk Shanghai သင်္ဘောအကြောင်းကိုပြန်ကောက်ရပါက သင်္ဘောကလည်း Maersk လိုင်း၏ သင်္ဘောစာရင်းတွင်လည်းမပါ၊ သင်္ဘောသားစာရင်းကလည်း Maersk လိုင်း၏ crew list တွင်မပါသဖြင့် Time charter ဖြင့်ဌားသည်ဟုထင်စရာရှိသော်လည်း၊ သင်္ဘောအမည်ကို Maersk Shanghai ဟုမည့်ခေါ်ထား သဖြင့် crewပါ စင်းလုံးဌား(Demise charter) ဖြစ်ပါသည်။ Maersk Shanghai အပါအဝင် Maersk လိုင်း ၏ ကုန်သေတ္တာ သင်္ဘော ၅စီး အား လန်ဒန် အခြေစိုက် Zodiac Maritime ship management ကုမ္ပဏီမှတစ်ဆင့် ဌားယူ (charter in) ထားခြင်းဖြစ်ပါ သည်။ အဆိုပါ ကုန်သေတ္တာ သင်္ဘော ၅ စီးမှာ-
MAERSK SHANGHAI (2016), 124092(DWT),10081(TEU)
MAERSK SHENZHEN (2016), 124092(DWT), 10081(TEU)
MAERSK SUZHOU (2016), 124092(DWT), 10081(TEU)
MAERSK SURABAYA (2006) 108349(DWT), 8845(TEU)
MAERSK SEMARANG (2007) 114653(DWT), 8845(TEU)
ReadMore - Liner operator များက သင်္ဘောကို အချိန်ဖြင့်ဌားရမ်းခြင်း နှင့် လူမပါ စင်းလုံးဌားခြင်း အကြောင်းသိကောင်း စရာများ။ (ပထမပိုင်း)
Source : Thant Zin
