မြန်မာနိုင်ငံတွင် စီးပွားရေး ပိတ်ဆို့မှုဒဏ် ခံနေရသော ၎င်းတို့၏ လုပ်လက်စ ဆိပ်ကမ်းစီမံကိန်းကို မြန်မာပိုင် Solar Energy ကုမ္ပဏီသို့ အမေရိကန်ဒေါ်လာ သန်း (၃၀) ဖြင့် အရှုံးခံ၍ ရောင်းချလိုက်ပြီ ဖြစ်ကြောင်း India's Adani Ports and Special Economic Zone ( APSEZ ) က ပြောသည်။
Adani Group ကုမ္ပဏီသည် မြန်မာနိုင်ငံတွင် စစ်တပ်အာဏာသိမ်းပြီးနောက် နိုင်ငံတကာနှင့် အမေရိကန်၏ ပိတ်ဆို့ အရေးယူမှုများကြောင့် ယင်းစီမံကိန်းကို ၂၀၂၂ ခုနှစ် မေလကထဲက ရောင်းချကြောင်း ကြေညာခဲ့သော်လည်း လုပ်ငန်းပြီးစီးမှု အပါအဝင် အချို့သော အခြေအနေများကြောင့် ရောင်းဝယ်ရေး သဘောတူညီချက် နှောင့်နှေးခဲ့ရကြောင်း သိရသည်။
Adani Ports သည် ၂၀၂၂ ခုနှစ် မတ်လမှ ဇွန်လအတွင်း စီမံကိန်းကို အပြီးသတ် ရောင်းချနိုင်ရန် ရည်ရွယ်ထားသော်လည်း အကြောင်းအမျိုးမျိုးသော နှောင့်နှေးမှုများကြောင့် ကုမ္ပဏီသည် ဝယ်ယူသူ Solar Energy နှင့် ရောင်းချသည့် စျေးနှုန်းကို ဒေါ်လာသန်း (၃၀) သို့ ပြန်လည် ညှိနှိုင်းရခဲ့သည်ဟု ကုမ္ပဏီက ဆိုသည်။
Advertisement
Click Here >>> United
လူနည်းစု အစုရှယ်ယာရှင်များထံမှ သွင်းအားစုများသည် ကုမ္ပဏီ၏ စီမံကိန်းမှထွက်ရန် ဆုံးဖြတ်ရာတွင် အဓိက မောင်းနှင်အားဖြစ်ကြောင်း Adani Ports က ယခင်က ပြောကြားခဲ့ပြီး ၎င်းသည် ဒဏ်ခတ်ပိတ်ဆို့ထားသော အဖွဲ့အစည်းနှင့် ချိတ်ဆက်မည် မဟုတ်ကြောင်း ထပ်လောင်း ပြောကြားခဲ့သည်။
ပြီးခဲ့သည့် ၂၀၂၁ ခုနှစ် မေလမှ စာရွက်စာတမ်းများအရ မြေငှားရမ်းခအတွက် ဒေါ်လာသန်း (၉၀) ကြိုတင်ပေးချေမှု အပါအဝင် စီမံကိန်းအတွက် ကုမ္ပဏီမှ ဒေါ်လာ (၁၂၇) သန်း ရင်းနှီးမြှုပ်နှံခဲ့ကြောင်း Adani Group က ထုတ်ဖော် ပြသခဲ့သည်။
သို့ရာတွင် အဆိုပါကိစ္စနှင့် စပ်လျဉ်း၍ နီးစပ်သည့် သတင်းရင်းမြစ်တစ်ဦးကမူ Adani Ports သည် ယင်း၏ လုပ်ငန်းလည်ပတ်မှု မရှိသေးသည့် Greenfield စီမံကိန်းတွင် ဒေါ်လာ (၁၉၅) သန်းထိ ရင်းနှီးမြှုပ်နှံထားခဲ့သည်ဟု မှတ်ချက်ပြုသည်။
ယခုကဲ့သို့ ဆိပ်ကမ်းစီမံကိန်းကို ရောင်းချပြီးကြောင်း ကြေညာပြီးသည့်နောက်တွင် Adani Group ၏ ရှယ်ယာသည် ၁.၂ ရာခိုင်နှုန်းထိ မြင့်တက်လာခဲ့ကြောင်း သိရသည်။
