Cathay Pacific သိမ်းဆည်းထားသော လေယာဉ်အားလုံး ပြန်လည်ပြေးဆွဲရန် စီစဉ်
TO GET INSTANT UPDATE
Join Telegram Channel
https://t.me/Guid4U
ခရီးသည်အသွားအလာများ ဆက်လက်ပြန်လည်များပြားလာေနသဖြင့် ဟောင်ကောင်အလံတင်လေကြောင်းလိုင်း Cathay Pacific သည် ကိုဗစ်မဖြစ်ပွားမီ အခြေအနေသို့ ၂၀၂၄ ခုနှစ်တွင် ရာနှုန်းပြည့် ပြန်လည်ရောက်ရှိရန် အလားအလာ ကောင်းနေသည်။
ဟောင်ကောင်အခြေစိုက် Cathay Pacific လေကြောင်းလိုင်းသည် ရပ်ထားရသည့် လေယာဉ်အားလုံးကို ၂၀၂၄ ခုနှစ်အစောပိုင်း မတိုင်ခင် ပြန်လည် ပြေးဆွဲတော့မည်ဟု လေကြောင်းလိုင်း၏ စီအီးအို Ronald Lam က Bloomberg Television သို့ ပြောကြားသည်။
ဟောင်ကောင်သည် တရုတ်အစိုးရ၏ တင်းကျပ်ပြင်းထန်သော ကိုဗစ်သုည မူဝါဒကို လိုက်နာကျင့်သုံးခဲ့ရသဖြင့် အသွားအလာ ကန့်သတ်ချက်များနှင့် တားမြစ်ချက်များသည် ကမ္ဘာ့အတင်းကျပ်ဆုံးနေရာများထဲမှ တစ်ခုဖြစ်ခဲ့သည်။
ထို့ကြောင့် Cathay Pacific အကြီးအကျယ် ထိခိုက်ခဲ့သည်။ ခရီးစဉ်အများအပြား ဖျက်သိမ်းထားခဲ့ရပြီး လေယာဉ်များကို သိမ်းဆည်းထားခဲ့ရသည်။
.
တရုတ်ပြည်မတွင် ကိုဗစ်သုည မူဝါဒ ရုပ်သိမ်းပြီး ပြန်ဖွင့်လိုက်သောအခါကျမှ Cathay Pacific လည်း ခရီးစဉ်များ ပြန်လည်ပြေးဆွဲခွင့် ရရှိခဲ့သည်။ သို့တိုင်အောင် ယခုအထိ ရပ်နားထားရသည့် လေယာဉ်များ ကျန်ရှိနေဆဲ ဖြစ်ပြီး ch-aviation.com ၏ အချက်အလက်များအရ Cathay Pacific ၏ လေယာဉ် ၆၇ စင်း ရပ်နားထားဆဲ ဖြစ်သည်။
၎င်းတို့အနက် ၁၁ စီးသည် ပြုပြင်ထိနိးသိမ်းရေး လုပ်ဆောင်နေသဖြင့် လေယာဉ်ရုံထဲ သိမ်းဆည်း ထားသည်။ ကျန်သည့် လေယာဉ်များကို Hong Kong, Alice Springs, Xiamen, Ciudad Real အပါအဝင် နေရာအချို့တွင် သိမ်းဆည်းထားသည်။ ၎င်းလေယာဉ်များမှာ Airbus A330 ၊ Airbus A320 ၊ Airbus A321 ၊ Boeing 777-300 လေယာဉ်များ ဖြစ်ပါသည်။
.
ယခုအခါ Cathay Pacific တွင် လေယာဉ် စုစုပေါင်း ၁၉၁ စီး ရှိပါသည်။
Airbus A330 ၅၁ စီး
Airbus A321neo ၉ စီး
Airbus A350-900 ၂၈ စီး
Airbus A350-1000 ၁၈ စီး
Airbus A320 ၄ စီး
Airbus A321-200 ၃ စီး
Boeing 777-300ER ၄၁ စီး
Boeing 777-300 ၁၇ စီး
Boeing 747-8F ၁၄ စီး
Boeing 747-400ERF ၆ စီး
တို့ ဖြစ်ပါသည်။
.
၂၀၂၃ ခုနှစ် ဖေဖော်ဝါရီလတွင် Cathay Pacific လေကြောင်းလိုင်းသည် ခရီးသည် ဦးရေ ၁.၁ သန်းကို ပို့ဆောင်ခဲ့ပါသည်။
Source: Bloomberg TV, ch-aviation.com
TO GET INSTANT UPDATE
Join Telegram Channel
https://t.me/Guid4U
