ဗီယက်နမ် အစိုးရ လေယာဉ်လက်မှတ်ခ ထိန်းချုပ်မှု လျော့ပေါ့ပေးရန် ငြင်းပယ်
TO GET INSTANT UPDATE
Join Telegram Channel
https://t.me/Guid4U
ဗီယက်နမ်တွင် လေယာဉ်လက်မှတ်များအတွက် အများဆုံး ဈေးနှုန်းကို အစိုးရက ပြဋ္ဌာန်းပေးခြင်းကို ရုပ်သိမ်းလိုက်ပါက အာဏာပိုင်များအား စျေးကွက်ထိန်းညှိရန် ကိရိယာတစ်ခု ဆုံးရှုံးသွားစေမည် ဖြစ်ပြီး ဝင်ငွေနည်းပါးသောသူများ လေကြောင်းသွားလာမှုကို လက်လှမ်းမမီတော့သည့် အဖြစ်သို့ ရောက်ရှိသွားစေနိုင်ကြောင်း ဗီယက်နမ် အစိုးရက ပြောကြားသည်။
.
အများဆုံး ဈေးနှုန်း ပြဋ္ဌာန်းချက် မရှိတော့လျှင် လေကြောင်းလိုင်းများသည် ဈေးနှုန်းများကို အလွန်မြင့်မားသည်အထိ ဈေးတင်ကြလိမ့်မည်။ အထူးသဖြင့် အသွားအလာများသည့် ခရီးစဉ်များတွင် အသွားအလာများသည့် အချိန်ကာလ ဥပမာ နှစ်သစ်ကူးကာလမျိုးတို့တွင် လေယာဉ်ခများ ဈေးအလွန်ကြီးနေလိမ့်မည်။ စားသုံးသူများကို ထိခိုက်စေလိမ့်မည်ဟု ဗီယက်နမ် အစိုးရက လွှတ်တော်တွင် ရှင်းလင်းပြောကြားခဲ့သည်။
.
သွင်းအားစုကုန်ကျစရိတ်များ မြင့်တက်လာချိန်တွင် လေကြောင်းလိုင်းများသည် ဝင်ငွေတိုးလာစေရန်အတွက် လေကြောင်းလိုင်းများနှင့် လေ့လာသုံးသပ်သူများက စျေးနှုန်းကန့်သတ်ချက်ကို ဖယ်ရှားရန် အဆိုပြုထားသော်လည်း အစိုးရက အပြောင်းအလဲကို လက်မခံပေ။
.
“ဗီယက်နမ်ရဲ့ ပျမ်းမျှဝင်ငွေကြောင့် ဈေးနှုန်းတွေ တိုးလိုက်ရင် လေကြောင်းလိုင်း ဝန်ဆောင်မှုတွေကို ခရီးသည်တွေ လက်လှမ်းမီမှု လျော့ကျသွားလိမ့်မယ်" ဟု အစိုးရက ပြောကြားသည်။
လေကြောင်းလိုင်းများ အများအပြား ဈေးကွက်ထဲ ရောက်ရှိလာပြီး လေယာဉ်လက်မှတ်များကို ဈေးချရောင်းပြီး ပြိုင်ဆိုင်ကြသည့်အခါမျိုးတွင်သာ အများဆုံး ဈေးနှုန်း ပြဋ္ဌာန်းချက်ကို ရုပ်သိမ်းနိုင်မည်ဟု အစိုးရက ပြောကြားသည်။
.
ဗီယက်နမ်တွင် လေယာဉ်လက်မှတ်ခများအတွက် အများဆုံး ဈေးနှုန်း ပြဋ္ဌာန်းချက် အပြောင်းအလဲ မရှိသည်မှာ ၈ နှစ် ရှိနေပြီ ဖြစ်သည်။
သို့သော်လည်း ပို့ဆောင်ရေး ဝန်ကြီးဌာနသည် ယခုနှစ်နှောင်းပိုင်းတွင် ပျမ်းမျှ ၃ ဒသမ ၇၅ ရာခိုင်နှုန်း မြှင့်တင်ရန် စီစဉ်ထားသည်။
Source vn express
TO GET INSTANT UPDATE
Join Telegram Channel
https://t.me/Guid4U
