ရုရှားမှ ပိုင်ဆိုင်မှုများ Maersk ရောင်းချ
TO GET INSTANT UPDATE
Join Telegram Channel
သင်္ဘောလိုင်းနှင့် လော့ဂျစ္စတစ်လုပ်ငန်းစုကြီး A.P. Moller-Maersk သည် ရုရှားနိုင်ငံရှိ ၎င်း၏ လော့ဂျစ္စတစ်လုပ်ငန်းခွင် နှစ်ခုကို IG Finance Development Limited သို့ ရောင်းချရန် သဘောတူညီခဲ့သည်။
ရုရှားတွင် Maersk ၏ လုပ်ကိုင်မှုများ နိဂုံးချုပ်လုနီးနီးအဖြစ်သို့ ရောက်ရှိသွားသည်။
ရုရှားနိုင်ငံ Novorossiysk ရှိ 1,500 TEU ကိုင်တွယ်နိုင်သည့် ကုန်းတွင်းဆိပ်ကမ်းတစ်ခု၊ St. Petersburg ရှိ အအေးပေးနှင့် အေးခဲ ကုန်လှောင်ရုံတစ်ခုတို့ကို ရောင်းချခြင်းအတွက် အီးယူနှင့် ရုရှား တို့ထံမှ အတည်ပြု ခွင့်ပြုချက်များ ရရှိခဲ့ကြောင်း Maersk က ထုတ်ပြန်ကြေညာသည်။
“ရုရှားမှာ ရှိတဲ့ ကျွန်တော်တို့ရဲ့ ထောက်ပံ့ပို့ဆောင်ရေး လုပ်ငန်းခွင်နှစ်ခုအတွက် ပိုင်ရှင်အသစ်ကို ရရှိခဲ့တာ ဝမ်းသာပါတယ်။ အဲဒါကြောင့် နိုင်ငံတွင်းရှိ ကျွန်တော်တို့ရဲ့ ပိုင်ဆိုင်မှုအားလုံးကို ပြန်လည်ရုပ်သိမ်းရန် ကျွန်တော်တို့ရဲ့ ဆုံးဖြတ်ချက်ကို အကောင်အထည်ဖော်ပါမယ်" ဟု ကူးသန်းရောင်းဝယ်ရေး အရာရှိချုပ် Karsten Kildahl က ထုတ်ပြန်ချက်တွင် ဖော်ပြထားသည်။
Novorossiysk ရှိ 1,500 TEU ကိုင်တွယ်နိုင်သည့် ကုန်းတွင်းဆိပ်ကမ်း
St. Petersburg ရှိ အအေးပေးနှင့် အေးခဲ ကုန်လှောင်ရုံ
ဆိုက်ပရပ်စ်တွင် မှတ်ပုံတင်ထားသော ကုမ္ပဏီတစ်ခုဖြစ်သည့် IG Finance Development သည် ရုရှားနိုင်ငံရှိ စားသောက်ကုန် တင်သွင်းသည့် လုပ်ငန်းကြီး Arosa နှင့် အဆိုပါ လုပ်ငန်းခွင် ၂ ခုကို လုပ်ကိုင်ရန် သဘောတူညီချက် ရရှိခဲ့သည်ဟု Maersk က ပြောကြားသည်။
ပြီးခဲ့သည့်နှစ် ဩဂုတ်လတွင် Maersk သည် ရုရှားဆိပ်ကမ်းအော်ပရေတာ Global Ports Investments တွင် ၎င်းပိုင်ဆိုင်သည့် ရှယ်ယာ ၃၀.၇၅% ကို ရုရှား၏ အကြီးဆုံးကွန်တိန်နာအော်ပရေတာ Delo Group သို့ ရောင်းချခဲ့သည်။
Maersk သည် Svitzer လုပ်ငန်းအမှတ်တံဆိပ်ဖြင့် လုပ်ကိုင်သော တွန်း/ဆွဲရေယာဉ် ၄ စီးသာ ရုရှားတွင် ပိုင်ဆိုင်မှု ကျန်ရှိတော့သည်။ ၎င်း ၄ စီးကို ရောင်းချပြီးလျှင် Maersk သည် ရုရှားတွင် မည်သည့်လုပ်ငန်းမှ မကျန်တော့ချေ။
Source Reuters
TO GET INSTANT UPDATE
Join Telegram Channel
https://t.me/Guid4U
