UOB က MAI ဘဏ်စာရင်းအားလုံးကို ပိတ်သိမ်း
TO GET INSTANT UPDATE
https://t.me/Guid4U
Join Telegram Channel
စင်ကာပူနိုင်ငံမှ United Overseas Bank (UOB) သည် မကြာသေးမီက ကန့်သတ်ချက်များနှင့် လေကြောင်းလိုင်းများ၏ ငွေစာရင်းများအပေါ် စိစစ်မှုများ တိုးမြှင့်လုပ်ဆောင်ပြီးနောက် Myanmar Airways International (MAI) ပိုင် ဘဏ်စာရင်းအားလုံးကို ဩဂုတ် ၁၅ ရက်တွင် ပိတ်ရန် ဆုံးဖြတ်ခဲ့သည်။
.
ဘဏ်စာရင်းများကို ဆက်လက်ထားရှိရန် MAI မှ အသနားခံခဲ့သော်လည်း UOB သည် ဘဏ်လုပ်ငန်းဆိုင်ရာ ဆက်နွှယ်မှုကို ရပ်စဲရန် ဆုံးဖြတ်ချက် ခိုင်မာနေဆဲဖြစ်သည်။
.
MAI ၏ စီးပွားရေးလုပ်ဖော်ကိုင်ဖက်များထံ ပေးပို့သည့်စာတွင် ငွေစာရင်းအကောင့်ပိတ်ရသည့်အကြောင်းရင်းကို အတိအလင်း ဖော်ပြထားခြင်းမရှိပေ။
.
MAI ၏ CEO ဖြစ်သူ Saravanan Ramasamy ၏ အီးမေးလ်စာတွင် UOB မှ လေကြောင်းလိုင်း၏ အကောင့်ငါးခုကို ဩဂုတ် ၁၅ ရက်တွင် ဖျက်သိမ်းမည်ဖြစ်ကြောင်း အတည်ပြုသည်။
အကောင့်ပိတ်သည့် လုပ်ငန်းစဉ်တွင် အဆင့် ၃ ဆင့် ပါဝင်သည်။
• ဇူလိုင် ၁ ရက်မှ စတင်၍ MAI အကောင့်များသည် ငွေသားနှင့် ချက်လက်မှတ်ဖြင့် ငွေအပ်နှံမှုများကို လက်ခံခြင်း မပြုချေ။
• ဇူလိုင်လ ၂၁ ရက်နေ့မှစ၍ ဤအကောင့်များမှ ငွေပေးချေမှုများအပေါ် ကန့်သတ်ချက်များ ပြဌာန်းမည်ဖြစ်ပြီး အဝင်ငွေများအားလုံးကို ပိတ်ဆို့ထားမည်။
• ဩဂုတ်လ ၁၅ ရက်နေ့တွင် အကောင့်များကို တရားဝင်ပိတ်မည်ဖြစ်ပြီး ငွေလက်ကျန်များကို အကောင့်များထဲမှ ငွေလွှဲဖြင့် ရှင်းထုတ်ပါမည်။
.
MAI သည် အခြားရွေးချယ်စရာ ဘဏ်လုပ်ငန်းများကို မေးမြန်းစုံစမ်းထားသည်။
UOB အကောင့်ပိတ်ခါနီးတွင် MAI သည် အခြားဘဏ်များနှင့် အကောင့်ဖွင့်ခြင်းလုပ်ငန်းစဉ်ကို စတင်ဆောင်ရွက်ခဲ့ပါသည်။
.
စီအီးအို Saravanan Ramasamy က ဘဏ်သုံးခုတွင် သိသာထင်ရှားသော တိုးတက်မှုများ ရရှိခဲ့ကြောင်း၊ အကောင့်ဖွင့်ခြင်း နောက်ဆုံးအဆင့်တွင် ရောက်ရှိနေပြီ ဖြစ်ကြောင်း ပြောကြားခဲ့သည်။
၎င်းဘဏ် ၃ ခုမှာ
စင်ကာပူမှ DBS
ထိုင်းမှ Kasikorn Bank
ဒူဘိုင်းမှ Emirates NDB တို့ ဖြစ်ပါသည်။
.
24 Hour Group of Companies ဥက္ကဋ္ဌ ဦးအောင်အောင်ဇော် ပိုင်ဆိုင်သော MAI သည် ၎င်း ပိုင်ဆိုင်မှုအောက်မှ လေကြောင်းလိုင်းဖြစ်သည့် Air KBZ နှင့်အတူ လုပ်ငန်းလည်ပတ်နေသည်။
.
ယခင်က လေကြောင်းလိုင်းနှစ်ခုစလုံးကို ကမ္ဘောဇကုမ္ပဏီအုပ်စု၏ ပိုင်ရှင်ဖြစ်သူ ဦးအောင်ကိုဝင်းက ပိုင်ဆိုင်ခဲ့သည်။
၂၀၁၈ ခုနှစ်နှောင်းပိုင်းတွင် 24 Hour Group သို့ရောင်းချခဲ့သည်။
အရောင်းအဝယ်နှင့်စပ်လျဉ်း၍ သတင်းအချက်အလက် ထုတ်ပြန်ခဲ့ခြင်း မရှိပါ။
TO GET INSTANT UPDATE
https://t.me/Guid4U
Join Telegram Channel
