Knowledge

သုဝဏ္ဏဘူမိ လေဆိပ်မှ ပျံသန်းမည့် ခရီးသည်များအား အနည်းဆုံး မိနစ် ၂၀ ခန့် အချိန်အပို ထားရှိရန် အကြံပြုထား

29 September 2023 Berthing List ရန်ကုန်ဆိပ်ကမ်း သင်္ဘောစာရင်း

ထိုင်ဝမ်ရေလက်ကြားအနီး ပထမဆုံး ပင်လယ်ဖြတ်ကျော် ကျည်ဆန်ရထားလိုင်း တရုတ်နိုင်ငံ စတင်

ရှမ်းပြည်နယ် (မြောက်ပိုင်း) မူဆယ်မြို့ရှိ မြန်မာ- တရုတ် နှစ်နိုင်ငံ နယ်စပ်ဂိတ်များမှ လာမည့် အောက်တိုဘာ (၁) ရက်တွင် တရားဝင်ဗီဇာများဖြင့် ဝင်/ထွက် သွားလာနိုင်တော့မည် ဖြစ်ကြောင်း ခရိုင်အထွေထွေအုပ်ချုပ်ရေး ဦးစီးဌာနမှ သိရသည်။ ထိုသို့ ဝင်/ထွက် သွားလာနိုင်ပါက မြန်မာနိုင်ငံအတွင်းသို့ ဝင်ရောက်လာမည့် နိုင်ငံခြားသားများအား ကြီးကြပ်စောင့်ရှောက်ရေး လုပ်ငန်းစဉ်များ အသိပညာပေး ရှင်းလင်းခြင်း အခမ်းအနားကို ယနေ့ မွန်းလွဲပိုင်းက ခရိုင်အထွေထွေအုပ်ချုပ်ရေး ဦးစီးဌာန စုပေါင်းရုံး အစည်းအဝေးခန်းမ၌ ကျင်းပခဲ့သည်။ ခရိုင်အဆင့်၊ မြို့နယ်အဆင့် ဌာနဆိုင်ရာများနှင့် ဟိုတယ်/တည်းခိုခန်း လုပ်ငန်းပိုင်ရှင်များ၊ တာဝန်ခံများကို ဟိုတယ်၊ မိုတယ်၊ အင်း၊ တည်းခိုခန်းပိုင်ရှင်များ၊ နိုင်ငံခြားသားများ သိရှိ လိုက်နာရမည့် ပြဋ္ဌာန်းချက်များနှင့် ပြစ်မှုပြစ်ဒဏ်တို့ကို လိုက်နာရန် လက်ကမ်းစာအုပ်များ ဖြန့်ဝေခဲ့သည်ဟု ဆိုသည်။ Advertisement Click Here >Hnin Taung မူဆယ်ခရိုင် စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ဇော်မိုးက အမှာစကား ပြောကြားပြီး မူဆယ်ခရိုင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ဒုတိယညွှန်ကြားရေးမှူး ဦးရဲရင့်ထွန်းက… နိုင်ငံခြားသား ထိန်းသိမ်းရေးလုပ်ငန်းများ၊ ဗီဇာအမျိုးမျိုးဖြင့် ရောက်ရှိလာသော နိုင်ငံခြားသားများ သိရှိ လိုက်နာရမည့် စည်းကမ်းများ၊ နိုင်ငံခြားသားများ လာရောက် တည်းခိုသော ဟိုတယ်၊ မိုတယ်၊ တည်းခိုခန်းများမှ တာဝန်ခံများ ဆောင်ရွက်ရန် အချက်များ၊ နိုင်ငံခြားသား ဧည့်သည်များအတွက် ခရီးသွားလာမှုနှင့် ပတ်သက်၍ နယ်မြေဒေသ သတ်မှတ်ချက်များ၊ ၁၉၄၇ ခုနှစ် မြန်မာနိုင်ငံ လူဝင်မှုကြီးကြပ်ရေး လက်တလော ပြဋ္ဌာန်းချက်များအက်ဥပဒေနှင့် ပြစ်မှုပြစ်ဒဏ်များ၊ ၁၉၄၀ ပြည့်နှစ် နိုင်ငံခြားသားများ အက်ဥပဒေများ၊ ၁၉၄၈ ခုနှစ် နိုင်ငံခြားသားများ မှတ်ပုံတင်ရေး နည်းဥပဒေများ၊ ဗီဇာအမျိုးအစားများနှင့် ဗီဇာစည်းကမ်းများအပြင် လဝကဌာနမှ နိုင်ငံခြားသားများ ကြီးကြပ် စောင့်ရှောက်ထိန်းသိမ်းရေးနှင့် ပတ်သက်၍ ဆောင်ရွက်မှု အခြေအနေများကို ပြောကြားခဲ့ကြောင်း သိရသည်။ မူဆယ်မြို့နယ် လဝကဦးစီးအရာရှိ ဦးစန်းလွင်က Form-C တွင် ဧည့်သည် နိုင်ငံခြားသားများအား ဖြည့်သွင်းရမည့် အချက်အလက်များနှင့် စာရင်းသွင်းပုံ အဆင့်ဆင့်တို့ကို ရှင်းလင်းခဲ့ပြီး လူကုန်ကူးမှု တားဆီးကာကွယ် နှိမ်နင်းရေးရဲတပ်ဖွဲ့ ရဲမှူးမင်းနိုင်နှင့် ကမ္ဘာလှည့် ခရီးသွားလုပ်ငန်း လုံခြုံရေးရဲတပ်ဖွဲ့ ရဲအုပ် စိုင်းစံမြင့်၊ စည်ပင်သာယာရေး အဖွဲ့အမှုဆောင်အရာရှိ ဦးမျိုးနိုင်ဦးတို့က နိုင်ငံအတွင်း ဝင်ရောက် လည်ပတ်လာသော နိုင်ငံခြားသားများနှင့် ပတ်သက်၍ လုပ်ငန်းစဉ်များကို အသိပညာပေး ရှင်းလင်းခဲ့သည်။ ယင်းနောက် ခရိုင်အုပ်ချုပ်ရေးမှူးက နိုင်ငံအတွင်း ဝင်ရောက်လာမည့် ဧည့်သည် နိုင်ငံခြားသားများအား ကြီးကြပ်စောင့်ရှောက်ရေးနှ င့်ပတ်သက်၍ သက်ဆိုင်ရာ တာဝန်ရှိ ဌာနဆိုင်ရာများနှင့် ဟိုတယ်/ တည်းခိုခန်း လုပ်ငန်းပိုင်ရှင်များ၊ တာဝန်ခံများက ဝိုင်းဝန်း ပူးပေါင်း ဆောင်ရွက်ကြရန် တိုက်တွန်းခဲ့ကြောင်း သိရသည်။