Rules and Regulations

ကျန်းဖုန်းဂိတ်ပေါက် ကိုဗစ်-၁၉ရောဂါ ကာကွယ်ထိန်းချုပ်ရေး အစီအမံများကို ပြင်ဆင်ခြင်းဆိုင်ရာ ကြေညာ TO GET INSTANT UPDATE Join Telegram Channel https://t.me/Guid4U ကျန်းဖုန်းဂိတ်ပေါက် ကိုဗစ်-၁၉ ရောဂါ ကာကွယ်ထိန်းချုပ်ရေးအစီအမံများကို ပြင်ဆင်ခြင်းဆိုင်ရာ တရုတ်နိုင်ငံယူနန်ပြည်နယ်လုံချွမ်းခရိုင်မှ ကြေညာချက် 陇川县关于调整张峰口岸疫情防控措施的通告 လုံချွမ်းခရိုင် ကိုဗစ်-၁၉ ရောဂါ ကာကွယ်ထိန်းချုပ်ရေးလုပ်ငန်းညွှန်ကြားရေး ဌာနချုပ်မှ သုတေသနပြုပြီးနောက်၊ ၂၀၂၂ ခုနှစ်၊ ဒီဇင်ဘာလ ၁၁ ရက် ဝ နာရီမှစ၍ ကျန်းဖုန်းဂိတ်ပေါက်ကိုဗစ်-၁၉ ရောဂါ ကာကွယ်ထိန်းချုပ်ရေးအစီအမံများကို အောက်ပါအတိုင်း ပြင်ဆင်သွားမည်။ ၁။ ကျန်းဖုန်းဂိတ်ပေါက်ရှိ အလုံးပိတ်စီမံခန့်ခွဲမှု ဧရိယာများကို ဖျက်သိမ်းကြောင်း၊ ယူနန်ပြည်နယ်အကြောင်းကြားချက် အမှတ် ၁၅ အရ ခရီးသည်ရပ်စဲ၊ ကုန်စည်ဖြတ်သန်း မူဝါဒကို ဆက်လက်အကောင်အထည်ဖော်ကြောင်း၊ သွင်းကုန်ပို့ကုနဂိတ်ပေါက်၏ ကန့်သတ်ရေးဧရိယာအား နယ်စပ်စစ်ဆေးရေးဌာနသို့ ကြိုတင် မှတ်တမ်းတင် လျှောက်ထားရန် လိုအပ်သည်။ ၂။ ကုန်စည်ဂိုဒေါင်ကွင်း၏စီမံခန့်ခွဲသူသည် ၎င်း၏ကုန်စည်ဂိုဒေါင်ကွင်းအတွင်း ကိုဗစ်-၁၉ ရောဂါကာကွယ်ထိန်းချုပ်ရေးဆိုင်ရာ အဓိကတာဝန်ကို ထိမ်းဆောင်ရမည်။ ကျန်းဖုန်းဂိတ်ပေါက်ကုန်စည်အကောက်ခွန်ရှင်းလင်းမှုပြန်လည်စတင်ရေးဦးဆောင်အဖွဲ့ ဒီဇင်ဘာ ၁၁၊ ၂၀၂၂ TO GET INSTANT UPDATE Join Telegram Channel https://t.me/Guid4U

တူရကီမှာ ရေနံတင်သင်္ဘောများ ကျောက်ချစောင့်ဆိုင်းနေကြရသည့် အကြောင်းရင်း

စမ်းသပ်ကာလ အီးဗီတင်သွင်းခြင်းနှင့် စပ်လျဉ်းသည့် စည်းကမ်းချက်များ ထုတ်ပြန် အစပျိုးစမ်းသပ်ကာလ (Pilot Project ) အတွင်း ပြည်ပမှ လျှပ်စစ်သုံးယာဉ်တင်သွင်းခြင်းဆိုင်ရာ လိုက်နာရမည့် စည်းကမ်းချက်များ သတ်မှတ်သည့်အမိန့်ကြော်ငြာစာကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ၂ဝ၂၂ ခုနှစ်၊ နိုဝင်ဘာလ ၁၁ ရက် ရက်စွဲဖြင့် အမိန့်ကြော်ငြာစာအမှတ် (၁၂ /၂၀၂၂)ဖြင့် ထုတ်ပြန်ထားသည်ကို ဖော်ပြအပ်ပါသည်။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် ပို့ကုန်သွင်းကုန်ဥပဒေပုဒ်မ ၁၃ ပုဒ်မခွဲ (ခ) အရ အပ်နှင်းထားသော လုပ်ပိုင်ခွင့်ကို ကျင့်သုံး၍ ဤအမိန့်ကြော်ငြာစာကို ထုတ်ပြန် လိုက်သည်။ အစပျိုးစမ်းသပ်ကာလ (Pilot Project ) အတွင်း ပြည်ပမှ လျှပ်စစ်သုံးယာဉ်တင်သွင်းခြင်းဆိုင်ရာ လိုက်နာရမည့် စည်းကမ်းချက်များ သတ်မှတ်သည့်အမိန့်ကြော်ငြာစာ ၁။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် လျှပ်စစ်သုံးယာဉ်နှင့် ဆက်စပ် လုပ်ငန်းများ ဖွံ့ဖြိုးတိုးတက်ရေးကို အထောက်အကူပြုနိုင်ရန် အစပျိုးစမ်းသပ်ကာလ (Pilot Project) အတွင်း ပြည်ပမှလျှပ်စစ်သုံးယာဉ်များ တင်သွင်းခြင်းအတွက် လိုက်နာရမည့် စည်းကမ်းချက်များကို အောက်ပါအတိုင်းသတ်မှတ်လိုက်သည် - (က) လျှပ်စစ်သုံးယာဉ်တင်သွင်းမည့်ကုမ္ပဏီသည် အရောင်းပြခန်းဖွင့်လှစ်ခွင့် လက်မှတ် ရရှိထားခြင်း မရှိသေးပါက အောက်ပါအချက်များနှင့် ကိုက်ညီရမည် - (၁) မြန်မာနိုင်ငံသားက ဖြစ်စေ၊ မြန်မာနိုင်ငံသားနှင့် နိုင်ငံခြားသားဖက်စပ် ဆောင်ရွက်ခြင်းဖြင့်ဖြစ်စေ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီး ဌာနတွင် မှတ်ပုံတင်ထားသည့် ကုမ္ပဏီဖြစ်ရမည်။ (၂) တင်သွင်းမည့် လျှပ်စစ်သုံးယာဉ်၏ အမှတ်တံဆိပ် (Brand) တစ်ခုစီ အတွက် ရောင်းချသည့် ကုမ္ပဏီနှင့် ချုပ်ဆိုထားသည့် အရောင်းအဝယ် သဘောတူ စာချုပ် တင်ပြနိုင်သူဖြစ်ရမည်။ (၃) အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင်ကော်မတီ၏ ခွင့်ပြုချက်ရရှိပြီး ဖြစ်ရမည်။ ( ခ ) အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီ၏ သတ်မှတ်ထားသည့် စံချိန်စံညွှန်းနှင့် ခွင့်ပြုထားသည့် အစီးအရေအတွက်အတိုင်းသာ တင်သွင်းရမည်။ ( ဂ ) တင်သွင်းမည့် လျှပ်စစ်သုံးယာဉ်များအတွက် လိုအပ်သည့်အာမခံမှု၊ အပိုပစ္စည်း များ (Spare Parts) ရရှိနိုင်မှုနှင့် သုံးစွဲပြီးနောက်ပိုင်း ပြင်ဆင်မှုများကို ဆောင်ရွက်နိုင်သည့် အစီအမံထားရှိရမည်။ (ဃ) လျှပ်စစ်သုံးယာဉ် တင်သွင်းရောင်းချမည့် ကုမ္ပဏီသည် မြန်မာနိုင်ငံတော် ဗဟိုဘဏ်က အသိအမှတ်ပြုသည့်ဘဏ်တွင် မြန်မာငွေကျပ်သိန်း ၅၀၀ ပေးသွင်းနိုင်ကြောင်း ဘဏ်အာမခံချက် (Bank Guarantee) တင်ပြရမည်။ ( င ) လျှပ်စစ်သုံးယာဉ်တင်သွင်းရောင်းချခွင့်ရသည့် ကုမ္ပဏီသည် တင်သွင်းလာသော ယာဉ်များအား ကုန်းလမ်းပို့ဆောင်ရေးညွှန်ကြားမှုဦးစီးဌာနတွင် မှတ်ပုံတင်ရန် အတွက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတွင် ဝယ်ယူခွင့် ပါမစ် လျှောက်ထားရမည်။ ဤအမိန့်ကြော်ငြာစာပါ လျှပ်စစ်သုံးယာဉ်ဟူသော စကားရပ်တွင် လျှပ်စစ်သုံးလူစီးယာဉ်နှင့် ခရီးသည်တင်ယာဉ်တို့ အကျုံးဝင်ပြီး BEV (Battery Electric Vehicle)ယာဉ်များသာဖြစ်ရမည်။ ၃။ ဤအမိန့်ကြော်ငြာစာသည် ၂၀၂၃ ခုနှစ်ဇန်နဝါရီလ ၁ ရက်နေ့မှ ဒီဇင်ဘာလ ၃၁ ရက် နေ့အထိ အကျိုးသက်ရောက်စေရမည်။ ၄။ ဤအမိန့်ကြော်ငြာစာပါ သတ်မှတ်ချက်များအား လိုအပ်ပါက ပြင်ဆင်ဆောင်ရွက်သွားမည်။ (ပုံ) အောင်နိုင်ဦး ပြည်ထောင်စုဝန်ကြီး

အမေရိကန်က ဒေါ်လာ ၅ သန်း ဆုကြေးထုတ်ခံရသည့် သင်္ဘောပိုင်ရှင် စင်ကာပူတွင် ထိန်းသိမ်းထား