နှမ်းနှင့်မြေပဲဆံအပါအဝင် ဆီထွက် သီးနှံများနှင့် အကျုံးဝင်သည့် အကောက်ခွန်နှုန်းလိုင်း (၁၈) လိုင်းနှင့် စပ်လျဉ်း၍ အသိပေးကြေညာ
ပို့ကုန်လိုင်စင်လျှောက်ထားရန် လိုအပ်သော နှမ်းနှင့်မြေပဲဆံအပါအဝင် ဆီထွက် သီးနှံများနှင့် အကျုံးဝင်သည့် အကောက်ခွန်နှုန်းလိုင်း (၁၈) လိုင်းနှင့် စပ်လျဉ်း၍ အကောက်ခွန်ဦးစီးဌာနက ကြေညာချက် ထုတ်ပြန်ထားသည်ကို ဖော်ပြအပ်ပါသည်။
အကောက်ခွန်ဦးစီးဌာန၊ MACCS ဌာနခွဲ၏ ကြေညာချက်အမှတ် (၀၁၆ /၂၀၂၂)
ရက်စွဲ။ ၂ဝ၂၂ ခုနှစ်၊ ဇူလိုင်လ ၂၂ ရက်
ပို့ကုန်ကြေညာလွှာတင်သွင်းသူများ သိရှိနိုင်ပါရန်
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၏ ၂၃-၅-၂၀၂၂ ရက်နေ့တွင် ထုတ်ပြန်ကြေညာထားသော ပို့ကုန်သွင်းကုန်နှင့် ပတ်သက်၍ သတင်းလွှာ (၇/၂၀၂၂) အရ ပဲမျိုးစုံအတွက် အကောက်ခွန်နှုန်းလိုင်း (၅၃) လိုင်း၊ ဆီထွက်သီးနှံအတွက် အကောက်ခွန်နှုန်းလိုင်း (၁၈) လိုင်းနှင့် စားဆီအတွက် အကောက်ခွန်နှုန်းလိုင်း (၁၁၀) လိုင်း စုစုပေါင်း အကောက်ခွန်နှုန်းလိုင်း (၁၈၁) လိုင်းတို့အား ပို့ကုန်လိုင်စင်လျှောက်ထားရန်လိုအပ်သော အကောက်ခွန်နှုန်းလိုင်းများအဖြစ် ၁-၈-၂၀၂၂ ရက်နေ့တွင် စတင်အကျိုးသက်ရောက်မည်ဖြစ်ကြောင်း ထုတ်ပြန်ကြေညာခဲ့ပါသည်ထို့ကြောင့် အဆိုပါ H.S Code 10 digit ကုန်စည်လိုင်းပေါင်း (၁၈၁) လိုင်းအား MACCS စနစ်တွင် ပို့ကုန်လိုင်စင်လိုအပ်သော အကောက်ခွန်နှုန်းလိုင်းများအဖြစ် Setting ပြောင်းလဲထားရှိခဲ့ပြီး လိုင်စင်ကြိုတင်လျှောက်ထားရန် အတွက် ၅-၇-၂၀၂၂ ရက်နေ့တွင် အကောက်ခွန်ဦးစီးဌာန၏ ကြေညာချက်အမှတ် (၁၄/၂၀၂၂) ဖြင့် ထုတ်ပြန်ကြေညာခဲ့ပြီး ဖြစ်ပါသည်။
သို့ဖြစ်ပါ၍ ၂၂-၇-၂၀၂၂ ရက်နေ့တွင် ကုန်သွယ်ရေးဦးစီးဌာနမှ ညှိနှိုင်းအကြောင်းကြားစာ ထပ်မံပေးပို့လာပါသဖြင့် ပို့ကုန်လိုင်စင်လျှောက်ထားရန် လိုအပ်သော နှမ်းနှင့်မြေပဲဆံအပါအဝင် ဆီထွက် သီးနှံများနှင့် အကျုံးဝင်သည့် အကောက်ခွန်နှုန်းလိုင်း (၁၈) လိုင်းအား ကုန်သွယ်ရေးဦးစီးဌာန၏ သတင်းလွှာ အမှတ် (၇/၂၀၂၂) ပါ ၁-၈-၂၀၂၂ ရက်နေ့တွင် အကျိုးသက်ရောက်မည့်အစား MACCS စနစ်တွင် ၂၃-၇ ၂၀၂၂ ရက်နေ့မှစတင်၍ ပို့ကုန်လိုင်စင် လိုအပ်သော အကောက်ခွန်နှုန်းလိုင်းများအဖြစ် ပြောင်းလဲ၍ Setting ထားရှိဆောင်ရွက်ပြီး ဖြစ်ပါကြောင်းနှင့် အခက်အခဲ တစ်စုံတစ်ရာရှိပါက ရုံးဖွင့်ရက်များတွင် Help Desk Section (01-379429) သို့ ဆက်သွယ် မေးမြန်းနိုင်ပါကြောင်း အသိပေးကြေညာအပ်ပါသည်
အကောက်ခွန်ဦးစီးဌာန
ပဲမျိုးစုံ အကောက်ခွန်နှုန်း လိုင်း (၅၃) လိုင်းနှင့် စပ်လျဉ်း၍ အသိပေးကြေညာ
#MyanmarLogisticsGuide
Telegram Channel
https://t.me/Guid4U
