ပို့ကုန်ကြေညာလွှာ (ED) ထုတ်ယူပြီး ၁၀ ရက်အတွင်း ပြည်ပတင်ပို့ရမည်
ပို့ကုန်ကြေညာလွှာ (ED) ထုတ်ယူပြီးတဲ့ ကုန်ပစ္စည်းတွေကို ED ထုတ်ယူတဲ့နေ့ကနေ ၁၀ ရက်အတွင်း ပြည်ပတင်ပို့ဖို့ အကောက်ခွန်ဦးစီးဌာနက ညွှန်ကြားစာဖြန့်ဝေပါသည်။
အကောက်ခွန်ဦးစီးဌာနက မြဝတီကုန်သွယ်ရေးဇုန်ကို စာပေးပို့ ညွှန်ကြားခြင်းဖြစ်ပြီး တရုတ်-မြန်မာ မူဆယ်နယ်စပ်ကိုလည်း ပေးပို့ကြောင်း သိရပါသည်။
.
ယခင်က ပို့ကုန်ကြေညာလွှာ ထုတ်ယူပြီး ရက် ၃၀ အထိ ခွင့်ပြုခဲ့ပြီး ယခု ၁၀ ရက်ဟု ပြောင်းလဲသတ်မှတ်လိုက်ပါသည်။
အဆိုပါညွှန်ကြားစာကို ဖော်ပြအပ်ပါသည်။
စာအမှတ်၊ ၁-နက / ၂၀၂၂ ( ၃၁၆၅ ) ဗဟို
ရက်စွဲ၊ ၂ဝ၂၂ ခုနှစ်၊ ဩဂုတ်လ ရက်
.
သို့
တာဝန်ခံ (မြဝတီ-OSS)
အကြောင်းအရာ။ နိုင်ငံခြားသုံးငွေကြီးကြပ်မှုကော်မတီ အစည်းအဝေးအမှတ်စဉ် (၄၃/၂၀၂၂) ၏ အစည်းအဝေးဆုံးဖြတ်ချက်ဖြန့်ဝေခြင်းကိစ္စ
ရည် ညွှန်း ချက် ။ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး ၏ ရက်စွဲပါ စာအမှတ်၊ စဘ/ဘဏ္ဍာ-၂/၂/၂(၄၅၅၇/၂၀၂၂) ၁၉-၈-၂၀၂၂
အထက်အကြောင်းအရာပါကိစ္စနှင့်ပတ်သက်၍ နိုင်ငံခြားသုံးငွေကြီးကြပ်မှုကော်မတီ၊ အစည်းအဝေးအမှတ်စဉ် (၄၃/၂၀၂၂) အစည်းအဝေးဆုံးဖြတ်ချက်(ရ) တွင် 'မြဝတီကုန်သွယ်ရေးဇုန် မှ ပို့ကုန်ကြေညာလွှာ (Export Declaration - ED) ထုတ်ယူပြီးသည့် ကုန်ပစ္စည်းများအား ပို့ကုန် ကြေညာလွှာ (Export Declaration - ED) ထုတ်ယူသည့်နေ့မှ ၁ဝ ရက်အတွင်း တစ်ဘက်နိုင်ငံသို့ တင်ပို့စေရန်” ရည်ညွှန်းပါစာဖြင့် ညွှန်ကြားလာခြင်းအား သိရှိလိုက်နာဆောင်ရွက်နိုင်ပါရန် အကြောင်းကြားပါသည်။
.
#MyanmarLogisticsGuide
Telegram Channel https://t.me/Guid4U
