စီးပွားရေးလုပ်ငန်းများ၏ ငွေပင်ငွေရင်းများမှ နုတ်ယူပေးသွင်းသည့်  ကြိုတင်ဝင်ငွေခွန်ခေါ် Withholding Tax ကိုအစိုးရက ကောက်ခံတော့မည် မဟုတ်ကြောင်း ပြည်တွင်းအခွန်များ ဦးစီးဌာနက မြန်မာနိုင်ငံ ကုန်သည်များ နှင့် စက်မှုလက်မှု လုပ်ငန်းရှင်များ အသင်းချုပ်ထံ ယခုရက်သတ္တပတ်က အကြောင်းကြား အသိပေးသည်။
ဖေဖော်ဝါရီ ၁ဝ ရက်နှင့် ၁၁ ရက်တို့တွင် ကုန်သည်၊စက်မှုအသင်းချုပ်၌ ကျင်းပသည့် ပြည်ထောင်စုအခွန်အကောက် ဥပဒေဆိုင်ရာ ပုဂ္ဂလိကလုပ်ငန်းရှင်များနှင့် အစိုးရကြား ဆွေးနွေးပွဲလုပ်ခဲ့ရာမှ အခွန်ဌာနက ထိုသို့ အသိပေးခဲ့ခြင်းဖြစ်သည်။
အထက်ပါ အခွန်ကောက်ခံခြင်းကို ပယ်ဖျက်ရန် အဆင့်ဆင့် တင်ပြဆောင်ရွက်နေပြီး လာမည့် လအနည်းငယ်အတွင်း စတင်အကျိုးသက်ရောက်နိုင်မည် ဖြစ်သည်ဟု အခွန်ဌာန၏ ပြောကြားချက်ကို ကိုးကား၍ ကုန်သည်၊စက်မှုအသင်းချုပ်က ထုတ်ပြန်ခဲ့သည်။
ပြည်တွင်းအခွန်များ ဦးစီးဌာနသည် ဝင်ငွေခွန် ရှောင်တိမ်းမှုများကို ကာကွယ်လိုသော ရည်ရွယ်ချက်ဖြင့် လုပ်ငန်းများ၏ ငွေပင်ငွေရင်းထဲမှ နုတ်ယူပေးသွင်းရသည့် ကြိုတင်ခွန် (Withholding Tax) စနစ်ကို ကျင့်သုံးခဲ့ခြင်းဖြစ်သည်။
အဆိုပါအခွန်သည် ငွေကြေးအရင်းအနှီးများ ပိုမိုကုန်ကျသည်၊ ဝန်ထုပ်ဝန်ပိုး ဖြစ်စေသည်ဟုဆိုကာ ပြီးခဲ့သည့်နှစ် ဒီဇင်ဘာက ပြုလုပ်သည့် အခွန်အကောက် ဥပဒေဆိုင်ရာ ဆွေးနွေးပွဲတွင် လုပ်ငန်းရှင်များက အစိုးရကို တင်ပြခဲ့ကြသည်။
တချို့လုပ်ငန်းတွေ တင်ပြတာလည်း ဒီအတိုင်း ရှိနေတာ ထက် ပိုကောင်းတယ်ပေါ့။ ဘာလို့လဲဆိုတော့ ဆောင်တဲ့သူက ဆောင်ပြီး ရှောင်တဲ့သူက ရှောင်မယ်ဆိုရင် ကြာရင်ဆောင်တဲ့သူက မယှဉ်ပြိုင်နိုင်တော့ဘူးပေါ့။ ကြိုတင်ခွန်မကောက်တော့ဘူးဆိုရင်လည်း လုပ်ငန်းလုပ်တဲ့သူတွေ တန်းတူ အခွန်ဆောင်ရအောင်တော့ သူတို့ဘက်က ကြပ်မတ်ဖို့တော့ လိုမှာပါ။ အဲဒါလုပ်နိုင်ရင်တော့ ပြဿနာမရှိဘူး'' ဟု မြန်မာ့စက်မှု ကုန်ထုတ်လုပ်ငန်းရှင်များအသင်း ဥက္ကဠ ဒေါက်တာအောင်သိန်းက ပြောသည်။
Withholding Tax သည် နိုင်ငံသားများအတွက် ကုန်ပစ္စည်း၊ ဝန်ဆောင်မှုနှင့် ငှားရမ်းမှုဆိုင်ရာ ငွေပေးချေမှုအတွက် နှစ်ရာခိုင်နှုန်း၊ နိုင်ငံခြားသားအတွက် ကုန်ပစ္စည်း၊ ဝန်ဆောင်မှုနှင့် ငှားရမ်းမှုဆိုင်ရာ ငွေပေးချေမှုအတွက် ၂ ဒသမ ၅ ရာခိုင်နှုန်း၊ နိုင်ငံသားအတွက် ခိုင်ကြေး (Royalties) ၁ဝ ရာခိုင်နှုန်း၊ နိုင်ငံခြားသားအတွက် ခိုင်ကြေး ၁၅ ရာခိုင်နှုန်း သတ်မှတ်ထားခဲ့သည်။
Source ; မြန်မာတိုင်း
