Displaying items by tag: Trade

Thursday, 07 March 2019 07:31

ကုန္သြယ္ေရးနဲ႔ ရင္းႏွီးျမႇုဳပ္ႏွံမွုကို ခ်ိတ္ဆက္မယ့္ စီမံကိန္းသစ္

ျမန္မာနိုင္ငံ၏ စီးပြားေရးတိုးတက္မွုႏွုန္းသည္ ၂၀၂၀-၂၁ ခုႏွစ္တြင္ ဖြံ့ၿဖိဳးမွုႏွုန္း ၆ ဒသမ ၆ ရာခိုင္ႏွုန္းရွိမည္ဟု ခန္႔မွန္းထားၿပီး နိုင္ငံတကာစံႏွုန္းႏွင့္ ႏွိုင္းယွဥ္ပါက ေကာင္းမြန္ေသာႏွုန္းတစ္ခု ျဖစ္သည္ဟု ကမၻာ့ဘဏ္က သုံးသပ္ထားခဲ့ပါတယ္။

Published in Investment

Thursday, 07 September 2023 10:20

သုံးရက်အတွင်း မြဝတီကုန်သွယ်ရေးဇုန်မှ ဒေါ်လာ (၁၅.၅) သန်း ဆောင်ရွက်နိုင်ခဲ့

မြဝတီကုန်သွယ်ရေးဇုန်မှ ထိုင်းနိုင်ငံသို့ ၂၀၂၃ ခုနှစ် စက်တင်ဘာလ (၂) ရက်မှ စတင်ဘာလ (၄) ရက်အထိ သုံးရက်အတွင်း ပို့ကုန်အမေရိကန်ဒေါ်လာ ၃.၁၄၂ သန်း၊ သွင်းကုန် အမေရိကန်ဒေါ်လာ ၁၂.၃၇၁ သန်း၊ စုစုပေါင်း ကုန်သွယ်မှုပမာဏ အမေရိကန်ဒေါ်လာ ၁၅.၅၁၃ သန်း ဆောင်ရွက်နိုင်ခဲ့ကြောင်း သိရသည်။

ထိုင်းနိုင်ငံမှ လတ်တလော ပြည်တွင်းလိုအပ်ချက်ကြောင့် စားသောက်ကုန်ပစ္စည်း ကုန်ကြမ်းဝယ်လိုအား မြင့်တက်နေသဖြင့် လက်ရှိကာလများတွင် မြန်မာနိုင်ငံမှ ပို့ကုန်ပစ္စည်းများ ပိုမို တင်ပို့နိုင်နေကြောင်း သိရသည်။

ပို့ကုန်တင်ပို့မှုအနေဖြင့် လယ်ယာထွက်ကုန်ပစ္စည်းများ ဖြစ်သည့် ပြောင်း၊ ငရုတ်၊ ဂေါ်ဖီ၊ နှမ်း၊ ကြက်သွန်နီ၊ ကွမ်းရွက်၊ ကွမ်းသီးခြောက်နှင့် ရေထွက်ပစ္စည်းများ ဖြစ်သည့် ခုံး၊ ကဏန်း၊ ငါးမြွေထိုး၊ ငါးခွေလျှာ၊ ငါးပါးလျှပ်၊ ငါးကြင်းဆီဖောင်များကို တင်ပို့နိုင်ခဲ့ခြင်း ဖြစ်သည်။

Click Here >Myat Noe Lay Co., Ltd.

သွင်းကုန်ပစ္စည်း တင်သွင်းမှုအနေဖြင့် တိရစ္ဆာန်အစာ၊ စက်ဘီး၊ စက်ဘီးအပိုပစ္စည်း၊ အဝတ်အထည်၊ စာရေးကိရိယာ၊ ကားအပိုပစ္စည်း၊ ဆောက်လုပ်ရေးလုပ်ငန်းသုံးပစ္စည်း၊ ဆိုင်ကယ်အပိုပစ္စည်း၊ စက်ဆီ/ချောဆီ၊ အိမ်သုတ်ဆေး၊ လျှပ်စစ်ပစ္စည်း၊ စားသောက်ကုန်၊ အလှကုန်ပစ္စည်း၊ အထည်ချုပ်လုပ်ငန်း၊ ဆေးဝါးများ၊ ဖိနပ်၊ သစ်သီးမျိုးစုံ၊ အိမ်သုံးပစ္စည်း၊ လူသုံးကုန်ပစ္စည်း၊ စက်ရုံသုံးပစ္စည်း၊ စက်နှင့် စက်ပစ္စည်းကိရိယာများ၊ ဓာတ်မြေဩဇာနှင့် ငါးဖမ်းပစ္စည်းများ တင်သွင်းခဲ့သည်။

ပုပ်သိုး ပျက်စီးလွယ်သည့် ရေထွက်ကုန်ပစ္စည်းများနှင့် ကုန်စိမ်းပို့ကုန်များ ဖြစ်သည့် ကြက်သွန်နီနှင့် ငရုတ်များကို လွယ်ကူ လျင်မြန်စွာ တင်ပို့နိုင်ရေးအတွက် လိုင်စင်ထုတ်ပေးခြင်း၊ ကုန်ပစ္စည်း စစ်ဆေးမှုများတွင်လည်း ဦးစားပေး ဆောင်ရွက်လျက် ရှိသည်ဟု ဆိုသည်။

ငွေလဲလှယ်နှုန်းအနေဖြင့်မူ ယခုအပတ်တွင် တစ်ဘတ်လျှင် (၁၀၃.၀၉) ကျပ် ဖြစ်ပြီး ယခင်ရက်များထက် ဈေးနှုန်း အနည်းငယ် ကျဆင်းခဲ့ကြောင်း သိရသည်။

Published in Export & Import

Monday, 21 August 2023 10:32

မြန်မာနိုင်ငံမှ ပြည်ပနိုင်ငံများသို့ ကုန်စည်တင်ပို့ခြင်းဆိုင်ရာ လမ်းညွှန်

ပြည်ပနိုင်ငံများသို့ မြန်မာနိုင်ငံမှ ကုန်စည်များ တင်ပို့ရန်အတွက် ပထမဦးဆုံးအနေဖြင့် နိုင်ငံတကာကုန်သွယ်မှု ဆောင်ရွက်မည့် အသိအမှတ်ပြု ကုမ္ပဏီအဖြစ် လုပ်ငန်းမှတ်ပုံတင်ပြီး ပို့ကုန်လုပ်ငန်းရှင်အဖြစ် မှတ်ပုံတင်ရမည် ဖြစ်သည်။

မှတ်ပုံတင်ကြေးမှာ တစ်နှစ်စာ သက်တမ်းအတွက် (၅၀,၀၀၀) ကျပ် ဖြစ်ပြီး လုပ်ငန်းမှတ်ပုံတင်ခြင်းအတွက် အသေးစိတ်ကို အောက်တွင် ဖော်ပြထားသည်။

လုပ်ငန်းမှတ်ပုံတင်ခြင်း

ပို့ကုန်လုပ်ငန်းရှင်တစ်ဦးသည် တင်ပို့ခြင်းလုပ်ငန်းကို ဆောင်ရွက်နိုင်ရန်အတွက် အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှု ဝန်ကြီးဌာနအောက်တွင် ရှိသော ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန (DICA) တွင် နိုင်ငံတကာ ကုန်သွယ်မှုလုပ်ငန်း ဆောင်ရွက်ခွင့် လုပ်ငန်းမှတ်ပုံတင်ရမည် ဖြစ်သည်။

မှတ်ပုံတင်သက်တမ်းမှာ (၅) နှစ် ဖြစ်ပြီး ကုမ္ပဏီမှတ်ပုံတင်ခြင်းအတွက် လိုအပ်သည့် အသေးစိတ် အချက်အလက်များကို ဌာနဆိုင်ရာ ပူးပေါင်းလုပ်ငန်းအဖွဲ့ (OSS) တွင် ဝင်ရောက် ကြည့်ရှုနိုင်သည်။

HT-LT

Click Here > HT-LT Co., Ltd.

လုပ်ငန်းရှင် မှတ်ပုံတင်ခြင်း

ပို့ကုန်လုပ်ငန်းရှင်တစ်ဦးသည် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (MOC) အောက်ရှိ ကုန်သွယ်ရေး ဦးစီးဌာနတွင် ပို့ကုန်လုပ်ငန်းရှင်အဖြစ် မှတ်ပုံတင်ရမည် ဖြစ်ပြီး မှတ်ပုံတင်သက်တမ်းသည် (၃) နှစ် ဖြစ်သည်။

သို့ရာတွင် သက်တမ်းမှာ နိုင်ငံတကာကုန်သွယ်မှု ဆောင်ရွက်ရန် လုပ်ငန်းမှတ်ပုံတင်ထားသည့် သက်တမ်းအတိုင်း (သို့) သက်တမ်းလက်ကျန်အတိုင်း (သို့) လုပ်ငန်းမှတ်ပုံတင် သက်တမ်းထက် မကျော်လွန်သော ကာလကိုသာ ရရှိမည် ဖြစ်သည်။

မှတ်ပုံတင်သည့် ပို့ကုန်လုပ်ငန်းရှင်အနေဖြင့် ပြည်ထောင်စုသမ္မတ မြန်မာနိုင်ငံ၊ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) သို့လည်း အသင်းဝင်ရမည် ဖြစ်သည်။

ကုန်သွယ်ဆိုင်ရာ ဝန်ဆောင်မှုလုပ်ငန်းများကို ကြည့်ရန်

Logistics Service များ၏ လိပ်စာ၊ ဖုန်းနံပါတ်များ ကြည့်ရန်

Published in Export & Import

Wednesday, 16 August 2023 08:53

တရုတ်နိုင်ငံ၏ ပို့ကုန်သွင်းကုန်ကဏ္ဍ (၃) နှစ်အတွင်း အကြီးမားဆုံး ကျဆင်း

ကမ္ဘာ့စီးပွားရေးတွင် ဒုတိယ အင်အားအကြီးမားဆုံး နိုင်ငံဖြစ်သည့် တရုတ်နိုင်ငံသည် လက်ရှိအချိန်တွင် စီးပွားရေး ပြန်လည် ဦးမော့လာမည့် အလားအလာများကို ခြိမ်းခြောက်ခံနေရကြောင်းနှင့် တရုတ်နိုင်ငံ၏ သွင်းကုန်နှင့် ပို့ကုန်များသည် ယခင်လက မျှော်လင့်ထားသည်ထက် သိသိသာသာ ကျဆင်းသွားခဲ့ကြောင်း ဘီဘီစီသတင်းတစ်ရပ်တွင် ရေးသားဖော်ပြထားသည်။

တရုတ်နိုင်ငံတွင် တရားဝင်ကိန်းဂဏန်းများအရ ပို့ကုန်တင်ပို့မှုသည် ပြီးခဲ့သည့် ဇူလိုင်လတွင် (၁၄.၅) ရာခိုင်နှုန်း ကျဆင်းခဲ့ပြီး သွင်းကုန်မှာ (၁၂.၄) ရာခိုင်နှုန်း ကျဆင်းခဲ့ကြောင်း သတင်းတွင် ဆက်လက် ဖော်ပြထားသည်။

အဆိုပါ သွင်းကုန်၊ ပို့ကုန် ကျဆင်းလာခြင်းကြောင့် ယခုနှစ်တွင် နိုင်ငံ၏ စီးပွားရေးတိုးတက်မှု ပိုမို နှေးကွေးသွားစေမည်ကို တရုတ်အစိုးရက စိုးရိမ်မှုများ ရှိနေကြောင်း သိရသည်။

Click Here >Shwe Lamain

ကမ္ဘာ့အကြီးဆုံး ပို့ကုန်နှင့် အဓိကတင်သွင်းသူအဖြစ် တရုတ်နိုင်ငံ၏ ရပ်တည်ချက်မှာ ယခုကဲ့သို့ ကုန်သွယ်မှု နှေးကွေးလာခြင်းကြောင့် ယင်းကိစ္စနှင့် ဆက်စပ်၍ ကမ္ဘာ့စီးပွားရေးကို ထိခိုက်လာစေနိုင်ဖွယ် ရှိသည်ဟု ကျွမ်းကျင်သူများက သုံးသပ်နေကြသည်။

တရုတ်နိုင်ငံ၏ အကြီးဆုံးဝယ်လက်များထဲမှ တစ်ခုဖြစ်သော အမေရိကန်ပြည်ထောင်စုသို့ တင်ပို့မှုသည် တစ်နှစ်ထက်တစ်နှစ် ကျဆင်းလာခဲ့ပြီး ယခု ၂၀၂၃ ခုနှစ်တွင် (၂၃.၁) ရာခိုင်နှုန်းအထိပင် ထိုးကျခဲ့သည်။ ထို့ပြင် ဥရောပသမဂ္ဂကလည်း တရုတ်ထံမှ ကုန်ပစ္စည်းဝယ်ယူမှုကို (၂၀.၆) ရာခိုင်နှုန်းအထိ လျှော့ချလိုက်သည်ဟု ဆိုသည်။

အခြားတစ်ဖက်တွင်လည်း အီးယူနှင့် တရုတ်တို့သည် ဆီမီးကွန်ဒတ် တာချစ်ပ်များနှင့် ပတ်သက်၍ မပြေမလည်မှုများ ရှိခဲ့ရာ တရုတ်အစိုးရသည် ကွန်ပျူတာချစ်ပ်များ ပြုလုပ်ရာတွင် အသုံးပြုသည့် အဓိကပစ္စည်းများ တင်ပို့မှုအပေါ် ထိန်းချုပ်တင်းကျပ်လာခဲ့သည်။

ထိုအချက်များကလည်း တရုတ်နိုင်ငံ၏ ကုန်သွယ်မှုကို ကျဆင်းစေခဲ့သည်ဟု ကျွမ်းကျင်သူများက ထောက်ပြ ပြောဆိုကြသည်။

Source : BBC

Published in Export & Import

Tuesday, 04 April 2023 07:29

ဧပြီလမှ ဇွန်လအထိ ရေထွက်ပစ္စည်းတင်ပို့မှု (၆၅) ရာခိုင်နှုန်းထိ လျော့ကျနိုင်

ငါးလုပ်ငန်းဦးစီးဌာန၏ ထုတ်ပြန်ချက်များကြောင့် တစ်ဖက်ထိုင်းနိုင်ငံ၊ ရနောင်းမြို့သို့ ရေထွက်ပစ္စည်းများကို အဓိက တင်ပို့လျက် ရှိသော ကော့သောင်းကုန်သွယ်ရေး စခန်းအနေဖြင့် ရေထွက်ပစ္စည်းတင်ပို့မှုမှာ ယခင်လများထက် (၆၅) ရာခိုင်နှုန်းခန့် လျော့နည်း ကျဆင်းသွားနိုင်ကြောင်း ရေလုပ်ငန်းရှင်များထံမှ သိရသည်။

မြန်မာ့ပင်လယ် ငါးလုပ်ငန်းရေပြင်အတွင်း ငါးဖမ်းလုပ်ငန်း လုပ်ကိုင် ဆောင်ရွက်နေသော ကမ်းဝေး ငါးဖမ်းရေယာဉ်များ အားလုံးအနေဖြင့် သတ်မှတ်ထားသည့် ငါးမဖမ်းရ ဧရိယာအတွင်း၌ ၂၀၂၃ ခုနှစ်၊ ဧပြီ (၁) ရက်နေ့ မှ ဇွန် လ (၃၀) ရက်နေ့ထိ ငါးဖမ်းလုပ်ငန်းများ မလုပ်ဆောင်ရန် ငါးလုပ်ငန်းဦးစီးဌာနမှ အသိပေးခဲ့သည်။

အဆိုပါ ကြေညာချက်ကို ငါးလုပ်ငန်းဦးစီးဌာနမှ ၂၀၂၂ ခုနှစ်၊ ဒီဇင်ဘာလ (၂၉) ရက်နေ့ ရက်စွဲဖြင့် ညွှန်ကြားချက် အမှတ် (၆/၂၀၂၂) အရ ထုတ်ပြန်ခဲ့ပြီး အဆိုပါ ထုတ်ပြန်ချက်ကြောင့် ကမ်းဝေးငါးဖမ်းရေယာဉ်များ (၃) လခန့် ငါးဖမ်းဆီးနိုင်မှု မရှိသည့်အတွက် ရေထွက်ပစ္စည်းတင်ပို့မှုမှာ ကျဆင်းသွားနိုင်ခြင်း ဖြစ်သည်ဟု ဆိုသည်။

ကော့သောင်းကုန်သွယ်ရေးစခန်းမှ တစ်ဖက်ထိုင်းနိုင်ငံ၊ ရနောင်းမြို့သို့ အဓိကအားဖြင့် ငါးမျိုးစုံ၊ ငါးစီဖောင်း၊ ပုစွန်၊ ငါးဆားနယ်၊ ကဏန်း၊ ကင်းမွန် (အစို/ အခြောက်)၊ ခရုနှင့် ငါးမှုန့် စသည့် ရေထွက်ပစ္စည်းများကို အဓိက တင်ပို့လျက် ရှိပြီး ၂၀၂၂-၂၀၂၃ ဘဏ္ဍာနှစ် စတုတ္ထ သုံးလပတ်၊ ဇန်နဝါရီလမှ ပြီးခဲ့သည့် မတ်လထိ

လှေစီးရေ (၁,၈၂၃) စီး၊
တန်ချိန် (၆၁,၅၃၀.၉၈၁) တန်နှင့်
တန်ဖိုး အမေရိကန်ဒေါ်လာ (၆၃.၆၇၂) သန်းထိ ဆောင်ရွက်နိုင်ခဲ့သည်။

Click Here > Meditech Co., Ltd.

မတ်လအတွင်း မြန်မာနိုင်ငံမှ ထိုင်းနိုင်ငံသို့ အများဆုံး တင်ပို့နိုင်ခဲ့သည့် ပို့ကုန်ပစ္စည်းများမှာ ငါးမျိုးစုံနှင့် ကင်းမွန်၊ ဆီအုန်း၊ ဓနိအုန်း၊ ဓနိဖက်တို့ ဖြစ်ပြီး အများဆုံး တင်သွင်းခဲ့သည့် သွင်းကုန်ပစ္စည်းများမှာ ပီလောပီနံမှုန့်၊ ကြွေပြား၊ ဆား၊ ကုန်စုံ၊ စတီးဝါယာကြိုး၊ ဒီဇယ်၊ ဓာတ်ဆီ၊ ဆီလီကွန်၊ ဆာလဖာ၊ ကျောက်ချဉ်၊ မီးသွေးမှုန့်၊ ရေသန့်စင်စက်၊ ရေကူးကန်သုံးအပိုပစ္စည်း၊ နိုင်လွန်ကြိုး၊ ငါးဖမ်းပိုက်ကွန်၊ ဌက်သိုက်၊ သင်္ဘောအပိုပစ္စည်း၊ ငါးထည့်သည့်ခြင်း၊ ရေခဲပုံး၊ ဖိနပ်ကုန်ကြမ်းတို့ ဖြစ်သည်။

၂၀၂၂- ၂၀၂၃ ဘဏ္ဍာနှစ်၊ ပြီးခဲ့သည့် ဇန်နဝါရီလအထိ ကော့သောင်းနယ်စပ် ကုန်သွယ်ရေးစခန်းမှ ပို့ကုန်တန်ဖိုး အမေရိကန်ဒေါ်လာ (၁၆၅.၄၈၈) သန်း ရရှိခဲ့ပြီး သွင်းကုန်တန်ဖိုး (၁၉.၇၁၄) သန်း ရရှိခဲ့ကာ ကုန်သွယ်မှု တန်ဖိုးပမာဏ စုစုပေါင်းမှာ အမေရိကန်ဒေါ်လာ (၁၈၅.၂၀၂) သန်း ဖြစ်သည်။

မြန်မာနိုင်ငံ၏ ကုန်သွယ်မှု အချိုးအရ တစ်နိုင်ငံလုံး၏ ကုန်သွယ်မှု (၇၅) ရာခိုင်နှုန်းခန့်သည် ပယ်လယ်ရေကြောင်း ကုန်သွယ်မှုဖြစ်ပြီး ကျန်သည့် (၂၅) ရာခိုင်နှုန်းခန့်သည် နယ်စပ်ကုန်သွယ်ရေး လုပ်ငန်းများမှ ရရှိခြင်း ဖြစ်သည်။

တစ်နိုင်ငံလုံးတွင် နယ်စပ်ကုန်သွယ်ရေးစခန်းပေါင်း အခု (၂၀) ရှိပြီး မြန်မာနိုင်ငံနှင့် ဆက်စပ်လျက်ရှိသော အိမ်နီးချင်း နိုင်ငံ (၄) နိုင်ငံနှင့် အဓိက ကုန်သွယ်မှု ပြုလုပ်လျက် ရှိသည်။

ကုန်သွယ်မှုစခန်းများအကြောင်း ဖတ်ရန်

နယ်စပ်စခန်းအလိုက် ကုန်သွယ်မှု အခြေအနေများ

ဘဏ္ဍာနှစ်အလိုက် ကုန်သွယ်မှု အခြေအနေများ

Published in Export & Import

Tuesday, 31 January 2023 05:16

မြန်မာတစ်နိုင်ငံလုံးရှိ နယ်စပ်ကုန်သွယ်ရေးစခန်း (၂၀) ခုနှင့် ကုန်သွယ်မှု အခြေအနေများ

မြန်မာနိုင်ငံ၏ ကုန်သွယ်မှု အချိုးအရ တစ်နိုင်ငံလုံး၏ ကုန်သွယ်မှု (၇၅) ရာခိုင်နှုန်းခန့်သည် ပယ်လယ်ရေကြောင်း ကုန်သွယ်မှုဖြစ်ပြီး ကျန်သည့် (၂၅) ရာခိုင်နှုန်းခန့်သည် နယ်စပ်ကုန်သွယ်ရေး လုပ်ငန်းများမှ ရရှိခြင်း ဖြစ်သည်။

တစ်နိုင်ငံလုံးတွင် နယ်စပ်ကုန်သွယ်ရေးစခန်းပေါင်း အခု (၂၀) ရှိပြီး မြန်မာနိုင်ငံနှင့် ဆက်စပ်လျက်ရှိသော အိမ်နီးချင်း နိုင်ငံ (၄) နိုင်ငံနှင့် အဓိက ကုန်သွယ်မှု ပြုလုပ်လျက် ရှိသည်။ နယ်စပ်ကုန်သွယ်မှုများ အဆင်ပြေ၊ လွယ်ကူစွာ ပြုလုပ်နိုင်ရန် ထိုင်း၊ တရုတ်၊ အိန္ဒိယ၊ ဘင်္ဂလားဒေ့ရှ်တို့နှင့် နှစ်နိုင်ငံ ကုန်သွယ်ရေး စာချုပ်များကိုလည်း ချုပ်ဆိုထားပြီး ဖြစ်သည်။

မြန်မာ- ထိုင်းနယ်စပ်တွင် ကုန်သွယ်ရေးစခန်း (၉) ခု၊ မြန်မာ- တရုတ်နယ်စပ်တွင် ကုန်သွယ်ရေးစခန်း (၅) ခု၊ မြန်မာ- အိန္ဒိယနယ်စပ်တွင် ကုန်သွယ်ရေးစခန်း (၃) ခု၊ မြန်မာ- ဘင်္ဂလားဒေ့ချ်နယ်စပ်တွင် ကုန်သွယ်ရေးစခန်း (၂) ခုနှင့် မြန်မာ-လာအိုနယ်စပ်တွင် ကုန်သွယ်ရေးစခန်း (၁) ခု စုစုပေါင်း (၂၀) ရှိသည်။

ပြည်နယ်နှင့် တိုင်းအနေဖြင့် ရှမ်းပြည်နယ်တွင် (၆) ခု၊ တနင်္သာရီတိုင်းတွင် (၄) ခု၊ ကချင်ပြည်နယ်တွင် (၂) ခု၊ ကရင်ပြည်နယ်တွင် (၂) ခု၊ ချင်းပြည်နယ်တွင် (၂) ခု၊ ရခိုင်ပြည်နယ်တွင် (၂) ခု၊ ကယားပြည်နယ်တွင် (၁) ခု၊ စစ်ကိုင်းတိုင်းတွင် (၁) ခု ဖွင့်လှစ်ထားသည်။

အဓိကထား ကုန်သွယ်မှုပြုနေသော နယ်စပ်စခန်းများမှာ မူဆယ်၊ လွယ်ဂျယ်၊ ချင်းရွှေဟော်၊ ကန်ပိုက်တီ၊ မြဝတီ၊ တာချီလိတ်၊ ကော့သောင်း၊ မြိတ်၊ ထီးခီး၊ မောတောင်၊ တမူး၊ စစ်တွေနှင့် မောင်တောမြို့မှ ကုန်သွယ်စခန်းများ ဖြစ်သည်။

ပို့ကုန်များအနေဖြင့် လယ်ယာထွက်ကုန်နှင့် စိုက်ပျိုးရေးထုတ်ကုန်များကို အဓိက တင်ပို့ပြီး သွင်းကုန်များအနေဖြင့် စားသောက်ကုန်၊ ဆေးဝါး၊ အလှကုန်၊ ဆောက်လုပ်ရေးလုပ်ငန်းသုံးပစ္စည်း စသည့် ကုန်စည်များကို ပြန်လည် တင်သွင်းသည်။

Click Here > Baho Pipe

မြန်မာ - ထိုင်း နယ်စပ်စခန်းများ

မြန်မာနှင့် ထိုင်းနိုင်ငံ နယ်စပ်တွင် မြဝတီ နယ်စပ်ကုန်သွယ်ရေးစခန်း၊ တာချီလိတ် နယ်စပ်ကုန်သွယ်ရေးစခန်း၊ ကော့သောင်း နယ်စပ်ကုန်သွယ်ရေးစခန်း၊ မြိတ် နယ်စပ်ကုန်သွယ်ရေးစခန်းနှင့် ထီးခီး နယ်စပ်ကုန်သွယ်ရေးစခန်း၊ မောတောင် နယ်စပ်ကုန်သွယ်ရေးစခန်း၊ မယ်စဲ့ နယ်စပ်ကုန်သွယ်ရေးစခန်း၊ ဘုရားသုံးဆူ နယ်စပ်ကုန်သွယ်ရေးစခန်းနှင့် ပုံပါကျင်ဆူ နယ်စပ်ကုန်သွယ်ရေးစခန်း ဟူ၍ စခန်း (၉) ခု ရှိသည်။ စခန်းတစ်ခုချင်းစီ၏ အချက်အလက်များနှင့် သွင်းကုန်၊ ပို့ကုန်များကို အောက်တွင် ဖော်ပြထားသည်။

၁။ မြဝတီ နယ်စပ်ကုန်သွယ်ရေးစခန်း ( စက်တင်ဘာ ၁၆၊ ၁၉၉၈ )

ကရင်ပြည်နယ်၊ မြဝတီမြို့တွင် ရှိသည့် မြဝတီကုန်သွယ်ရေးစခန်းသည် မြန်မာ-ထိုင်းနယ်စပ် စခန်းများထဲတွင် အကြီးဆုံးဖြစ်ပြီး ကုန်သွယ်မှု အများဆုံး လုပ်ဆောင်ရသော စခန်းတစ်ခု ဖြစ်သည်။ ထိုင်းနိုင်ငံသို့ ရေထွက်ကုန်ပစ္စည်းများနှင့် ကုန်စိမ်းများဖြစ်သည့် ကြက်သွန်နီ၊ ငရုတ်၊ ဂေါ်ဖီထုပ်တို့ကို အများဆုံး တင်ပို့သည်။

ချည်ထည်နှင့် အထည်အလိပ်၊ စားသောက်ကုန်၊ စက်ရုံသုံးပစ္စည်း၊ စက်မှုကုန်ကြမ်းပစ္စည်း၊ ဆောက်လုပ်ရေး လုပ်ငန်းသုံးပစ္စည်း၊ အိမ်သုံးပစ္စည်း၊ လျှပ်စစ်ပစ္စည်း၊ ဖိနပ်ကုန်ကြမ်းပစ္စည်း၊ အလှကုန်၊ ဆေး၊ တိရစ္ဆာန်အစာ၊ သစ်သီး၊ စက်ဘီး၊ ဆိုင်ကယ်၊ ကားအပိုပစ္စည်း၊ ဓာတ်မြေဩဇာနှင့် လယ်ယာသုံး၊ စိုက်ပျိုးရေးသုံး ပစ္စည်းများကို အဓိက တင်သွင်းလျက် ရှိသည်။

Knowledge

Click Here > Meditech Co., Ltd.

မြန်မာ - ထိုင်း နယ်စပ်စခန်းများ

မြန်မာ - တရုတ် နယ်စပ်စခန်းများ

မြန်မာ - အိန္ဒိယ နယ်စပ်စခန်းများ

မြန်မာ - ဘင်္ဂလားဒေ့ရှ် နယ်စပ်စခန်းများ

မြန်မာ- လာအို နယ်စပ်စခန်း

Search Articles

Our Guides