Ambiente ကုန်စည်ပြပွဲသည် ဂျာမနီနိုင်ငံဖရန့်ဖတ်မြို့၌နှစ်စဉ် ဖေဖော်ဝါရီလတိုင်း Messe Frankfurt GmbH က စီစဉ်ကျင်းပသည့် လူ့အသုံးအဆောင်အမျိုးမျိုး (Household Goods, Glasswares, Ceramics) ပြသသော
ထိပ်တန်းစာရင်းဝင် ကုန်စည်ပြပွဲကြီးဖြစ်သည်။
ပြပွဲသည် နှစ်စဉ်နိုင်ငံတကာမှလူသုံး၊ အိမ်သုံး၊ ကုန်ပစ္စည်းအမျိုးမျိုးပြသသူများနှင့် လာရောက်လေ့လာသူများတွေ့ ဆုံရာ ခေတ်မီပြပွဲစင်တာကြီးတစ်ခုဖြစ်ပြီး နိုင်ငံပေါင်းစုံမှ ပြခန်းများတွင်အိမ်တွင်းအလှဆင်ဒီဇိုင်းပုံစံများ ပရိဘောဂ အသုံးအဆောင်များနှင့် အလှဆင်ပြုပြင်မွမ်းမံခြင်းများပါဝင်သည့်အပိုင်း (Living, လက်ဆောင်ပစ္စည်း
အမျိုးမျိုးနှင့် အသုံးအဆောင်ပစ္စည်းများ ပါဝင်သည့်အပိုင်း (Giving) အိမ်အသုံးအဆောင်နှင့် မီးဖိုဆောင်သုံးပစ္စည်း များ စုစည်းရာအပိုင်း (Dining) ဟူ၍ ခွဲခြားသတ်မှတ်ပြီး ခင်းကျင်းပြသခြင်းဖြစ်သည်။
